ارون بھیماود اور جیوتی رادتیہ سندھیا۔
مدھیہ پردیش کے شاجا پور سے سابق رکن اسمبلی اور بی جے پی لیڈر ارون بھیما ود نے مرکزی وزیر جیوتی رادتیہ سندھیا سے متعلق متنازعہ بیان دیا ہے۔ مرکز کی مودی حکومت کے 9 سال پورے ہونے کے موقع پر منعقدہ پروگرام میں بی جے پی لیڈر اپنا توازن کھو بیٹھے۔ اس دوران انہوں نے جیوتی رادتیہ سندھا کو نامرد تک کہہ دیا۔
شاجا پورضلع کے پولیائے کلاں میں منعقدہ پروگرام میں سابق رکن اسمبلی نے اسٹیج سے تقریر کرنا شروع کیا تو ان کے الفاظ کو سن کر ہرکوئی حیران رہ گیا۔ انہوں نے جیوتی رادتیہ سندھا کو نامرد تک کہہ دیا۔ اس متنازعہ بیان کا ویڈیو سوشل میڈیا پر جم کر وائرل ہو رہا ہے۔
بھیماود نے کہا، ”سال 2020 میں ہمارے کارکنان کو جوش آیا کہ یہ حکومت گرنی چاہئے۔ کوئی جیوتی رادتیہ سندھیا نامرد، جوکانگریس لیڈرتھا، اس وقت بھگوان نے انہیں عقل دے دی اور وہ کانگریس چھوڑ کر بی جے پی میں آگئے۔ اس سے ہمارے جذبات میں بھی اضافہ ہوا۔ خدا نے ہماری باتوں کو سنا عوام کی آواز کو سنا اور کارکنان کی آواز کو سنا۔“
اپنے خطاب کے دوران بی جے پی لیڈرنے دگ وجے سنگھ پر کانگریس کی حکومت گرانے کا الزام لگایا۔ انہوں نے کانگریس رکن اسمبلی کنال چودھری کو وارننگ دینے کے لہجے میں کہا، ”توکتنا بھی گھوم لے، اس اسمبلی میں اب تیری دال گلنے والی نہیں ہے۔“
भाजपा के पूर्व विधायक अरुण भीमावद ने सिंधिया को नामर्द बताया। शाजापुर से भाजपा विधायक और जिलाध्यक्ष भी रह चुके है अरुण भीमावद।
क्या उसूलों पर आँच आई ❓ pic.twitter.com/tDqH6WBYo8
— MP Congress (@INCMP) June 26, 2023
کانگریس نے سندھیا پر طنز کیا
وہیں بھیماود کا ویڈیو شیئرکرکے کانگریس نے جیوتی رادتیہ سندھیا پر طنزکسنا شروع کردیا ہے۔ ایم پی کانگریس کے باضابطہ ٹوئٹر ہینڈل سے لکھا گیا، ”بی جے پی کے سابق رکن اسمبلی ارون بھیماود نے جیوتی رادتیہ سندھیا کو نامرد بتایا۔ شاجا پورسے بی جے پی رکن اسمبلی اورضلع صدربھی رہ چکے ہیں۔“
کنال چودھری نے سادھا نشانہ
کنال چودھری نے بھی ٹوئٹ کرکے بی جے پی لیڈر پر تنقید کی۔ انہوں نے کہا کہ ”سابق رکن اسمبلی ارونا بھیماود سمیت بی جے پی لیڈران کا ذہنی توازن خراب ہوگیا ہے اور باقی کی سچائی جیوتی رادتیہ سندھیا خود بتا سکتے ہیں۔ بی جے پی لیڈران کے ذریعہ ہردن بے عزت ہونے کے بعد اب جیوتی رادتیہ سندھیا کے اصولوں پرآنچ نہیں آرہی ہے؟“
بھارت ایکسپریس۔
