اے آئی ایم آئی ایم رکن پارلیمنٹ اسدالدین اویسی (فائل فوٹو)
پارلیمنٹ میں رام مندر پر ہورہی بحث کے دوران آل انڈیا مجلس اتحاد المسلمین (اے آئی ایم آئی ایم) نے پارلیمنٹ مں کہا کہ ابھی ایک رکن پارلیمنٹ نے کہا کہ جس وقت 6 دسمبرکوبابری مسجد گرائی جا رہی تھی، اس وقت نرسمہا راؤ پوجا کررہے تھے۔ لال کرشن اڈوانی کا ذکرکرتے ہوئے اسدالدین اویسی نے کہا کہ جس شخص نے رتھ یاترا نکالی، اسے ملک کے سب سے اعلیٰ اعزازسے سرفرازکیا گیا ہے۔ یہ دکھاتا ہے کہ حکومت کس طرح کھڑی ہے۔ انصاف زندہ ہے یا پھرظلم کو برقراررکھا جا رہا ہے۔ اس دوران انہوں نے کہا کہ میں رام کی عزت کرتا ہوں، لیکن ناتھو رام سے نفرت کرتا ہوں۔
رام کی عزت کرتا ہوں، لیکن ناتھو رام سے نفرت: اویسی
لوک سبھا میں رام مندرکی تعمیراور پران پرتشٹھا پربحث کے دوران اے آئی ایم آئی ایم کے رکن پارلیمنٹ اسد الدین اویسی نے کہا کہ میں پوچھنا چاہتا ہوں کہ کیا مودی حکومت کسی خاص برادری، مذہب کی حکومت ہے یا پورے ملک کی حکومت؟ کیا حکومت ہند میرا مذہب ہے؟ میرا ماننا ہے کہ اس ملک میں کوئی مذہب نہیں ہے۔ میں بھگوان رام کا احترام کرتا ہوں، لیکن میں ناتھو رام گوڈسے سے نفرت کرتا ہوں کیونکہ اس نے اس شخص کا قتل کیا تھا، جس کے آخری لفظ ارے رام تھے۔
لوک سبھا میں بابری مسجد انہدام کی مذمت کی گئی، آج منایا جا رہا ہے جشن: اویسی
اسدالدین اویسی نے کہا کہ 16 دسمبر، 1992 کوپارلیمنٹ میں ایک تجویزمنظورکرکے کہا گیا کہ کس طرح سے وی ایچ پی، بجرنگ دل اورآرایس ایس نے ملک میں فرقہ وارانہ تشدد پھیلایا اور مسجد کو گرایا گیا۔ اس لوک سبھا میں مسجد منہدم کرنے کی مذمت کی گئی تھی۔ آج یہی حکومت 6 دسمبرکو جوسانحہ ہوا، اس کا جشن منا رہی ہے۔ اس پرچیئرمین راجیندراگروال نے کہا کہ رام مندرپرفیصلہ سپریم کورٹ کے ذریعہ کیا گیا۔ اس کے بعد ہی مندرکی تعمیر ہوئی ہے۔
#WATCH | During the discussion on the construction of the historic Ram Temple and Pran Pratishta begins in Lok Sabha, AIMIM MP Asaduddin Owaisi says “I want to ask if Modi Govt is the government of a particular community, religion or the government of the entire country? Does GoI… pic.twitter.com/cU6tS1WIxu
— ANI (@ANI) February 10, 2024
اویسی نے اڈوانی کو بھارت رتن دیئے جانے پراٹھایا سوال
رام مندرپر ہورہی بحث کے دوران اسدالدین اویسی نے پارلیمنٹ میں کہا کہ ابھی ایک رکن پارلیمنٹ نے کہا کہ جس وقت 6 دسمبر 1992 کو مسجد گرائی اس وقت نرسمہا راؤ پوجا کررہے تھے۔ اس دوران اسدالدین اویسی نے لال کرشن اڈوانی کو بھارت رتن دیئے جانے پر سوال اٹھایا۔
بھارت ایکسپریس۔
