کانگریس رہنمااور لوک سبھا میں قائد حزب اختلاف راہل گاندھی آج ہاتھرس پہنچے ہیں جہاں متاثرہ خاندان سے ملاقات کرنے والے ہیں ۔ چار سال قبل ہاتھرس میں ایک معصوم کے ساتھ درندگی اور اہل خانہ کو بغیر بتائے رات کے اندھیرے میں پولیس کی طرف سے جلائے جانے کے معاملے میں اس وقت کافی ہنگامہ ہوا تھااور اس وقت بھی کافی مزاحمت کے بعد راہل-پرینکا ہاتھرس میں جاکر متاثرہ خاندان سے ملاقات کی تھی اور ان کے آنسو پوچھے تھے۔ اس دوران یوپی حکومت کی جانب سے یہ وعدہ کیا گیا تھا کہ حکومت متاثرہ خاندان کی امداد کے طور پر سرکاری نوکری اور گھر دے گی۔اس دوران ان کی سیکورٹی کیلئے گھر کے باہر پولیس کی ٹیم بھی تعینات کردی گئی تھی۔
दिल्ली: लोकसभा में नेता प्रतिपक्ष और कांग्रेस नेता राहुल गांधी अपने आवास से रवाना हुए।#Delhi #Rahulgandhi pic.twitter.com/2nzSqQbNGi
— NewsMobile Samachar (@NewsMobileHindi) December 12, 2024
اس پورے سانحے کو چار سال گزر جانے کے بعد بھی یوگی حکومت کی جانب سے ہاتھرس متاثرہ خاندان کو ناہی گھر دیا گیا ہے اور ناہی سرکاری نوکری دی گئی ہے،مزید یہ کہ ان کے گھر کے باہر مسلسل پولیس سیکورٹی ہونے کی وجہ سے وہ قید کی زندگی محسوس کررہے ہیں اور انہیں کہیں نوکری بھی نہیں مل رہی ہے جس کی وجہ سےزندگی مشکل ہوتی چلی جارہی ہے۔ ان تمام شکایتوں پر مبنی ایک خط اس خاندان کی جانب سے راہل گاندھی کو بھیجا گیا تھا۔ راہل گاندھی کو جب یہ خط ملا تو انہوں نے فوراً ہاتھرس جانے کا پلان بنایا اور آج وہ ہاتھرس پہنچ گئے ہیں
ذرائع کے مطابق راہل گاندھی نے ہاتھرس پہنچ کر متاثرہ خاندان کو بھروسہ دلایا کہ وہ حکومت پر دباو بنائیں گے کہ حکومت ان سے کیا ہوا اپنا وعدہ جلد پورا کریں۔ اس دوران راہل گاندھی نے حکومت پر الزام بھی لگایا اور کہا کہ یہ حکومت دو چار صنعت کاروں اور بڑے لوگوں کی حکومت ہے،اس لئے انہیں چھوٹے اور غریب لوگوں کی کوئی فکر نہیں ہوتی ۔ہاتھرس معاملے میں حکومت نے چار سال پہلے نوکری اور گھر کا وعدہ کیا تھا لیکن ابھی تک یہاں کی حکومت نے اس غریب خاندان سے کیا ہوا اپنا وعدہ نہیں نبھایا ،یہ اپنے آپ میں حیران کن ہے اور غریبوں کا مذاق بھی ہے جو یہ حکومت اکثر اڑاتی رہی ہے۔
#WATCH | On Lok Sabha LoP and Congress MP Rahul Gandhi to visit Hathras today, Uttar Pradesh Deputy CM Brajesh Pathak says, “Rahul Gandhi, you have a feeling of despair, you are a victim of frustration. You do not even know that the CBI has investigated Hathras case. The case is… pic.twitter.com/kaVv5wqijW
— ANI (@ANI) December 12, 2024
ڈپٹی سی ایم نے راہل گاندھی کو بنایا تنقیدوں کا نشانہ
وہیں راہل گاندھی کے ہاتھرس دورے پر تبصرہ کرتے ہوئے یوپی کے ڈپٹی سی ایم برجیش پاٹھک نے کہا کہ راہل گاندھی مایوسی اور ناامیدی کے شکار ہوچکے ہیں۔انہیں معلوم ہی نہیں ہے کہ ہاتھرس معاملے میں سی بی آئی جانچ کرچکی ہے اور معاملہ عدالت میں زیر غور ہے۔لیکن آپ کبھی سنبھل جانا چاہتے ہیں اور کبھی علی گڑھ، آپ مکمل طور پر راستے سے بھٹک چکے ہیں۔آج اترپردیش انفراسٹرکچر اور لاء اینڈ آرڈر کے معاملے میں پہلے نمبر کی ریاست بننے کی جانب تیزی سے گامزن ہے،آج یوپی کے لاء اینڈ آرڈر کا ذکر پورے ملک میں ہوتا ہے،یہاں ایک انقلاب آرہا ہے،لیکن آپ یوپی کو فساد کی آگ میں جھونکنا چاہ رہے ہیں۔لوگوں کو بھڑکانا چاہ رہے ہیں۔مہربانی کرکے ایسا نہ کریں۔
بھارت ایکسپریس
