وزیراعظم نریندر مودی فرانس کے دورے پر روانہ ہوگئے ہیں ، روانگی سے قبل انہوں نے ایک ایکس پوسٹ میں کہا کہ صدر میکرون کی دعوت پر میں 10 سے 12 فروری تک فرانس کا دورہ کروں گا ۔ پیرس میں ، میں اے آئی ایکشن سمٹ کی مشترکہ صدارت کرنے کا منتظر ہوں ، جو عالمی رہنماؤں اور عالمی ٹیک سی ای اوز کا ایک اجتماع ہے ، جہاں ہم اختراع اور وسیع تر عوامی بھلائی کے لیے اے آئی ٹیکنالوجی کے لیے باہمی تعاون کے نقطہ نظر پر ایک جامع ، محفوظ اور قابل اعتماد انداز میں تبادلہ خیال کریں گے ۔
In Washington DC, I look forward to meeting @POTUS @realDonaldTrump. This visit will further cement India-USA friendship and boost ties in diverse sectors. I warmly recall working with President Trump during his first term and I am sure our talks will build on the ground covered…
— Narendra Modi (@narendramodi) February 10, 2025
پی ایم مودی نے مزید کہا کہ میرے دورے کا دو فریقی حصہ، میرے دوست صدر میکرون کے ساتھ ہند-فرانس اسٹریٹجک شراکت داری کے لیے 2047 ہورائزن روڈ میپ پر پیش رفت کا جائزہ لینے کا موقع فراہم کرے گا ۔ ہم فرانس میں پہلے ہندوستانی قونصل خانے کا افتتاح کرنے کے لیے تاریخی فرانسیسی شہر مارسیل کا بھی سفر کریں گے اور بین الاقوامی تھرمونیوکلیئر تجرباتی ری ایکٹر پروجیکٹ کا بھی دورہ کریں گے ، جس میں ہندوستان عالمی بھلائی کے لیے توانائی کو بروئے کار لانے کی خاطر فرانس سمیت شراکت دار ممالک کے کنسورشیم کا رکن ہے ۔ میں مزارگیوس جنگی قبرستان میں، پہلی اور دوسری جنگ عظیم کے دوران اپنی جانوں کا نذرانہ پیش کرنے والے ہندوستانی فوجیوں کو بھی خراج عقیدت پیش کروں گا۔
Prime Minister @narendramodi leaves for France will co-chair the AI Action Summit along with President @EmmanuelMacron
Watch: 🔽 pic.twitter.com/PPdbIKhYH2
— PIB India (@PIB_India) February 10, 2025
وزیراعظم نے کہا کہ فرانس سے میں ،صدر ڈونلڈ ٹرمپ کی دعوت پر امریکہ کے دو روزہ دورے پر روانہ ہوں گا ۔ میں اپنے دوست صدر ٹرمپ سے ملاقات کا منتظر ہوں ۔ اگرچہ جنوری میں ان کی تاریخی انتخابی جیت اور حلف برداری کے بعد یہ ہماری پہلی ملاقات ہوگی ، لیکن مجھے ہندوستان اور امریکہ کے درمیان ایک جامع عالمی اسٹریٹجک شراکت داری کی تعمیر میں ان کی پہلی میعاد میں مل کر کام کرنے کی حرارت بخش یادیں تازہ ہیں۔یہ دورہ ان کی پہلی میعاد میں ہمارے تعاون کی کامیابیوں کو آگے بڑھانے اور ٹیکنالوجی ، تجارت ، دفاع ، توانائی اور سپلائی چین پائیداری کے شعبوں سمیت ہماری شراکت داری کو مزید بلند اور گہرا کرنے کے لیے ایک ایجنڈا تیار کرنے کا موقع ہوگا ۔ ہم اپنے دونوں ممالک کے عوام کے باہمی فائدے کے لیے مل کر کام کریں گے اور دنیا کے بہتر مستقبل کی تشکیل کریں گے ۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
