وزیراعظم نریندر مودی نے جمعرات کے روز کرناٹک اور گووا کا اہم دورہ کیا، جو روحانیت، ثقافت اور قومی وقار کا حامل سمجھا جا رہا ہے۔ انہوں نے اپنے دورے کا آغاز کرناٹک کے شہر اڈوپی سے کیا، جہاں صبح تقریباً 11 بجے پہنچے اور تین کلومیٹر طویل روڈ شو میں ہزاروں لوگوں نے ان کا پرجوش استقبال کیا۔ اس کے بعد وزیراعظم مشہور شری کرشن مٹھ پہنچے، جہاں انہوں نے روایتی طریقے سے پوجا ارچنا کی، اور سورن تیرتھ منڈپ کا افتتاح کیا۔ وزیراعظم نے عقیدت کے طور پر مٹھ کوایکسونے کا کلش بھی پیش کیا۔
ایک لاکھ افراد کے ساتھ گیتا پاٹھ
Addressing the Laksha Kantha Gita Parayana programme at Sri Krishna Matha in Udupi. Deeply honoured for the opportunity to be in the presence of the revered sages.
https://t.co/4E53zyQF7B— Narendra Modi (@narendramodi) November 28, 2025
اس دورے کا سب سے تاریخی لمحہ وہ تھا، جب وزیراعظم نریندر مودی نے ایک لاکھ افراد کے ساتھ ایک ہی آواز میں شریمدبھگوت گیتا کا پاٹھ کیا۔ اسے ایک عظیم روحانی اجتماع قرار دیا جا رہا ہے۔ خطاب کرتے ہوئے وزیراعظم نے کہا کہ جب اتنی بڑی تعداد میں لوگ گیتا کے شلوک ایک سر میں پڑھتے ہیں، تو ایک ایسی توانائی جنم لیتی ہے جو دل و دماغ میں نئی آتما پھونک دیتی ہے اور قومی یکجہتی کو مضبوط کرتی ہے۔ پی ایم مودی نے اڈوپی سے اپنے جذباتی اور تاریخی تعلقات کا ذکر بھی کیا۔ انہوں نے بتایا کہ اڈوپی کو اچھے انتظامی ماڈل کی جنم بھومی سمجھا جاتا ہے، جس کی بنیاد 1968 میں وی ایس آچاریہ کی جیت سے پڑی۔ مزید کہا کہ ان کا جنم تو گجرات میں ہوا، مگر یہاں موجود مقدس مورتی کی پوجا پہلے دوارکا میں ماں رُکمَنی کرتی تھیں۔
Glad to be in Udupi, a place associated with devotion, learning and tradition. The welcome I’ve received in Udupi will always be etched in my memory. Grateful to the people. pic.twitter.com/8cMzI9VenP
— Narendra Modi (@narendramodi) November 28, 2025
انہوں نے گیتا کے فلسفے کو قومی سلامتی کی پالیسی سے جوڑتے ہوئے کہا کہ “گیتا نے سکھایا کہ ظلم کے خاتمے کے بغیر امن قائم نہیں ہو سکتا“۔ انہوں نے سابق حکومتوں پر تنقید کرتے ہوئے کہا کہ وہ دہشت گردی کے واقعات کے بعد خاموش رہتی تھیں، مگر “یہ نیا بھارت ہے، جو امن بھی چاہتا ہے اور اپنے دفاع کی صلاحیت بھی رکھتا ہے“۔
گووا میں 77 فٹ بلند شری رام مورتی کا افتتاح
Speaking at the 550th-year celebration of the Shree Samsthan Gokarn Partagali Jeevottam Math in Goa. https://t.co/tcb04vqyDj
— Narendra Modi (@narendramodi) November 28, 2025
شام میں وزیراعظم مودی گووا کے کیناکونا پہنچے، جہاں انہوں نے ایشیا کی سب سے بلند 77 فٹ کانسی کی شری رام مورتی کا شاندار افتتاح کیا۔ یہ مورتی ‘اسٹیچو آف یونٹی’ کے کاریگر پدم بھوشن رام سوتار نے تخلیق کی ہے، جو ایک عظیم مجسمہ ساز کے طور پر عالمی سطح پر جانے جاتے ہیں۔ اسے پربھو شری رام کے اصولوں اور مریادا کا عظیم ترین ثقافتی نشان قرار دیا جا رہا ہے۔
رامائن تھییم پارک اور یادگاری ٹکٹ کا اجرا
اس موقع پر وزیراعظم نے رامائن تھیم پارک گارڈن کا بھی افتتاح کیا، جو مٹھ کی جانب سے تیار کیا گیا ہے اور بھارتی تہذیب کو جدید انداز میں پیش کرتا ہے۔ اس یادگار لمحے پر ایک خصوصی ڈاک ٹکٹ اور یادگاری سکے کا بھی اجرا کیا گیا۔
ಭಕ್ತಿ, ಕಲಿಕೆ ಮತ್ತು ಸಂಪ್ರದಾಯಕ್ಕೆ ಹೆಸರಾದ ಸ್ಥಳ ಉಡುಪಿಗೆ ಭೇಟಿ ನೀಡಿದ್ದು ಸಂತೋಷವಾಯಿತು. ಉಡುಪಿಯಲ್ಲಿ ನನಗೆ ದೊರೆತ ಸ್ವಾಗತ ಸದಾ ನೆನಪಿನಲ್ಲಿ ಉಳಿಯುತ್ತದೆ. ಜನತೆಗೆ ನನ್ನ ಕೃತಜ್ಞತೆಗಳು. pic.twitter.com/qbtqjgdCY5
— Narendra Modi (@narendramodi) November 28, 2025
وزیراعظم نریندر مودی کے اس دورے کو ملک میں ثقافت، روحانیت اور قومی فخر کی نئی علامت کے طور پر دیکھا جا رہا ہے۔ یہ پیغام بھی مضبوطی سے دیا گیا کہ بھارت اپنی سناتن اور تہذیبی وراثت پر فخر کرتا ہے اور دنیا کو امن، بھائی چارے اور اتحاد کا راستہ دکھانے کی صلاحیت رکھتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
