وزیر اعظم نریندر مودی نے رائے پور، چھتیس گڑھ میں سڑک حادثے میں قیمتی جانوں کے زیاں پر گہرے رنج و غم کا اظہار کیا ہے۔ جناب مودی نے حادثے میں زخمی ہونے والوں کی جلد صحتیابی کی دعا بھی کی ہے۔
پی ایم نریندر مودی نے وزیر اعظم قومی ریلیف فنڈ (پی ایم این آر ایف) سے جاں بحق افراد کے قریبی لواحقین کے لئے فی کس 2 لاکھ روپے اور زخمیوں کو 50 ہزار روپے کی ایکس گریشیا امداد کا اعلان کیا ہے۔
وزیر اعظم کے دفتر نے ایکس پر پوسٹ کیا: رائے پور، چھتیس گڑھ میں سڑک حادثے میں جانوں کے زیاں سے دلی صدمہ ہوا۔ جنہوں نے اپنے عزیزوں کو کھویا ہے اُن سے تعزیت۔ زخمیوں کی جلد صحتیابی کی دعا کرتا ہوں۔ وزیر اعظم قومی ریلیف فنڈ سے ہر جاں بحق شخص کے لواحقین کو 2 لاکھ روپے اور زخمیوں کو 50 ہزار روپے دیے جائیں گے: وزیر اعظم
واضح رہے کہ چھتیس گڑھ کے دارالحکومت میں ایک درد ناک حادثہ پیش آیا تھا۔ حادثے میں 13 افراد کی موت ہو گئی، جب کہ متعدد افراد شدید زخمی ہوئے۔ زخمیوں کو علاج کے لیے اسپتال میں داخل کرایا گیا۔ خوف ناک سڑک حادثے کے بعد شاہراہ پر طویل جام ہوگیا۔ انتظامیہ کی ٹیم موقع پر پہنچی اور زخمیوں کو علاج کے لیے رائے پور لے جایا گیا۔ گاؤں چٹاؤد تھانہ اسمبلی کے کچھ افراد تھانہ کھروڑا کے بنارسی میں چوتھیا چھٹھی پروگرام میں شرکت کے لیے گئے تھے۔ پروگرام کے وہ لوگ واپس لوٹ رہے تھے۔ اسی دوران رائے پور- بلودابازار روڈ پر ساراگاؤں کے قریب ٹریلر گاڑی سے تصادم ہوا جس میں 13 افراد اپنی جان گنوا بیٹھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
