صدر جمہوریہ ہند دروپدی مرمو نے اتوار کے روز دیوالی کی شام میں ملک کے عوام کو مبارکباد پیش کی ہے۔ صدر جمہوریہ نے اپنے پیغام میں کہا، ’’دیوالی کے پوتر موقع پر میں بھارت اور دنیا بھر میں رہنے والے تمام بھارتیوں کو دلی مبارکباد اور نیک خواہشات پیش کرتی ہوں۔‘‘ ہندو مذہب کے سب سے مقبول تہواروں میں سے ایک، دیوالی جوش و خروش اور خوشی کے ساتھ منایا جاتا ہے۔ یہ تہوار اندھیرے پر روشنی، جہالت پر علم اور برائی پر اچھائی کی جیت کی علامت بتایا جاتا ہے۔
دیوالی باہمی محبت اور بھائی چارے کا پیغام
پورے ملک میں جوش و جذبے سے منایا جانے والا دیوالی کا یہ پوتر تہوار باہمی محبت اور بھائی چارے کا پیغام دیتا ہے۔ اس دن ہندو عقیدمند دیوی لکشمی کی پوجا کرتے ہیں، جو دولت اور خوشحالی کی دیوی مانی جاتی ہیں۔ خوشی کا یہ تہوار خود احتسابی اور خود کی اصلاح کا موقع بھی ہے۔ یہ تہوار محروم اور ضرورت مند افراد کی مدد و حمایت کرنے اور ان کی زندگی میں خوشی لانے کا بھی پیغام دیتا ہے۔میں سب سے گزارش کرتی ہوں کہ دیوالی کو محفوظ، ذمہ دارانہ اور ماحول دوست طریقے سے منائیں۔ یہ دیوالی سب کے لیے خوشی، امن اور خوشحالی لائے۔
نتیش کمار نے دیوالی کو روشنی کی علامت قرار دیا
وہیں، بہار کے وزیر اعلیٰ نتیش کمار نے روشنی کے تہوار دیوالی پر ریاست اور ملک کے عوام کو دلی مبارکباد اور نیک خواہشات پیش کیں۔ وزیر اعلیٰ نے اپنے پیغام میں کہا کہ دیوالی اندھیرے پر روشنی، جہالت پر علم اور برائی پر اچھائی کی جیت کی علامت ہے۔ یہ اندھیرے سے روشنی کی طرف بڑھنے کا عہد اور روشنی کا عظیم تہوار ہے۔ وزیر اعلیٰ نے عوام سے اپیل کی کہ وہ دیوالی کو باہمی بھائی چارے، ہم آہنگی اور خوشی کے ساتھ منائیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
