صدر دروپدی مرمو نے عید الاضحیٰ کے موقع پر تمام شہریوں کو مبارکباد دی اور سبھی سے کہا کہ وہ اپنی زندگی میں خلوص اور لگن کی اقدار کو اپنا کر ایک بہتر معاشرے کی تعمیر کے لیے مل کر کام کریں۔ صدر جمہوریہ کے دفتر سے جاری بیان کے مطابق صدر مرمو نے کہا کہ یہ تہوار قربانی، ایمان اور انسانی اقدار کی علامت ہے۔
صدر جمہوریہ کے دفتر نے جاری کیا بیان
مرمو نے کہا ’’یہ معاشرے میں اتحاد، محبت اور بھائی چارے کا پیغام پھیلاتا ہے۔ آئیے ہم اپنی زندگیوں میں خلوص اور لگن کی اقدار کو اپنا کر ایک بہتر معاشرے کی تعمیر کے لیے مل کر کام کریں۔‘‘ بیان میں مزید کہا گیا ہے کہ صدر جمہوریہ نے عید الاضحیٰ کے موقع پر تمام ساتھی شہریوں اور بیرون ملک مقیم ہندوستانیوں بالخصوص مسلمان بھائیوں اور بہنوں کو دل کی گہرائیوں سے مبارکباد پیش کی اور نیک خواہشات کا اظہار کیا۔
کل ادا کی جائے گی عیدالاضحیٰ کی نماز
واضح رہے کہ عرب ممالک میں آج عیدالاضحیٰ کی نماز ادا کی گئی ہے اور ہندوستان میں عیدالاضحیٰ کل یعنی ہفتے کے روز ہے۔ اس موقع پر مسلمان اللہ کی راہ میں قربانی دیتے ہیں اور اس قربانی کے حصوں کو غریبوں اور رشتہ داروں میں تقسیم کرتے ہیں، جو کہ انسانیت اور اخوت و محبت کی بہترین مثال ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
