سپریم کورٹ نے یوٹیوبر رنویر الہ بادیا کو بڑی راحت دی ہے، جو ‘انڈیاز گوٹ لیٹنٹ’ کیس کی وجہ سے سرخیوں میں آئے تھے۔ عدالت نے ‘دی رنویر شو’ کو جاری رکھنے کی اجازت دے دی ہے۔ اس کے ساتھ ہی سپریم کورٹ نے شو کو نشر کرنے کے دوران محضوص ہدایا ت دی ہیں ۔ عدالت نے ایک شرط یہ رکھی ہے کہ رنویر کو ایک انڈرٹیکنگ دینا ہوگی جس میں وہ اس بات کو یقینی بنائیں گے کہ ان کے شو میں اخلاقی سطح کو برقرار رکھا جائے تاکہ ہر عمر کے ناظرین اسے دیکھ سکیں۔ سماعت کے دوران عدالت نے تبصرہ کیا کہ یہ راحت اس لیے دی گئی ہے کیونکہ 280 لوگوں کی روزی روٹی اس شو سے جڑی ہوئی ہے۔
رنویر بیرون ملک نہیں جا سکتے
تاہم سپریم کورٹ نے فی الحال غیر ملکی سفر کے معاملے پر کوئی نرمی نہیں دی ہے۔ عدالت نے کہا کہ تحقیقات میں مکمل تعاون دینے کے بعد اس مطالبے پر غور کیا جا سکتا ہے۔
آپ کو بتاتے چلیں کہ رنویر الہ بادیا نے کامیڈین اور یوٹیوبر سمائے رائنا کے شو ‘انڈیاز گاٹ لیٹنٹ’ میں فحش تبصرے کیے تھے، جس کے بعد شو کو لے کر کافی تنازعہ ہوا تھا اور ان پر کئی پابندیاں لگائی گئی تھیں۔ اب عدالت کے اس فیصلے سے انہیں راحت ملی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
