وزیر اعظم نریندر مودی نے جمعرات کو چیکرز میں اپنے پرتپاک استقبال کے لیے برطانیہ کے وزیر اعظم کیئر اسٹارمر کا شکریہ ادا کیا۔ پی ایم مودی نے کہا کہ ان کی بات چیت ہندوستان-برطانیہ تعلقات کو گہرا کرنے کے مشترکہ عزم کی عکاسی کرتی ہے۔ سوشل میڈیا پلیٹ فارم ’ایکس‘ پر ایک پوسٹ میں پی ایم مودی نے کہا کہ ’’چیکرز میں پرتپاک استقبال کے لیے پی ایم کیئر اسٹارمر کا شکریہ۔ ہماری بات چیت تمام شعبوں میں ہندوستان-برطانیہ کے تعلقات کو گہرا کرنے کے مشترکہ عزم کی عکاسی کرتی ہے۔‘‘
وہیں آج پی ایم مودی اور کیئر اسٹارمر کی موجودگی میں ہندوستان اور برطانیہ کے درمیان ایف ٹی اے پر دستخط کیے گئے۔ واضح رہے کہ پی ایم مودی برطانیہ کے دو روزہ سرکاری دورے پر ہیں۔ پی ایم مودی نے جامع اقتصادی اور تجارتی معاہدے (سی ای ٹی اے) پر دستخط کو ہندوستان-برطانیہ تعلقات کے ایک نئے باب کے طور پر سراہا ہے۔
ہندوستان اور برطانیہ کے درمیان ’’تاریخی معاہدہ‘‘ پر کیا خوشی کا اظہار
سوشل میڈیا پلیٹ فارم ’ایکس‘ پر انھوں نے لکھا کہ ’’ہندوستان-برطانیہ اقتصادی شراکت داری میں آج ایک نیا باب شروع ہو رہا ہے! جامع اقتصادی اور تجارتی معاہدے (CETA) پر دستخط تجارت کو بڑھانے، جامع ترقی کو آگے بڑھانے اور کسانوں، خواتین، نوجوانوں، MSMEs اور پیشہ ور افراد کے لیے مواقع پیدا کرنے کے لیے ہماری مشترکہ عزم کی عکاسی کرتا ہے۔‘‘
Thankful to PM Keir Starmer for the warm welcome at Chequers.
Our discussions reflect a shared commitment to deepen India-UK ties across sectors.@Keir_Starmer pic.twitter.com/XiIpyG7OKs
— Narendra Modi (@narendramodi) July 24, 2025
پی ایم مودی نے مزید کہا کہ ’’مزدور شعبوں جیسے کہ ٹیکسٹائل، چمڑے اور جوتے، سمندری، جواہرات اور زیورات، نامیاتی کیمیکل، پلاسٹک، آٹو پارٹس، آرٹیسنل مصنوعات اور خدمات بھی مضبوط ترقی کے لیے تیار ہیں۔ یہ عالمی مینوفیکچرنگ ہب بننے کی طرف ہندوستان کے سفر میں مزید تیزی کو یقینی بنائے گا۔ ہندوستان-برطانیہ سی ای ٹی اے معاہدے سے ہندوستان کی برآمدات کی رفتار میں اضافہ ہوگا۔ ہندوستانی صارفین کو مسابقتی قیمتوں پر اعلیٰ معیار کی اشیاء فراہم ہوں گی۔‘‘
اس سے قبل دن میں ایک مشترکہ پریس کانفرنس سے خطاب کرتے ہوئے پی ایم مودی نے تاریخی ہندوستان-برطانیہ آزاد تجارتی معاہدے (FTA) پر دستخط کرنے کی تعریف کی اور کہا کہ یہ معاہدہ دونوں ممالک کے درمیان دو طرفہ تعلقات میں ایک اہم سنگ میل کی حیثیت رکھتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
