وزیر اعظم مودی نے راجیہ سبھا میں وزیر خارجہ ایس جے شنکر کے خطاب کو سراہتے ہوئے اسے اپنے سوشل میڈیا اکاؤنٹ سے شیئر کیا ہے۔ پی ایم نے سوشل میڈیا پلیٹ فارم ’ایکس‘ پر وزیر خارجہ کے خطاب کی ویڈو پر مبنی پوسٹ شیئر کرتے ہوئے لکھا کہ ’’’’وزیر خارجہ ڈاکٹر جے شنکر جی کی راجیہ سبھا میں غیر معمولی تقریر نے دہشت گردی کو عالمی توجہ کا موضوع بنانے کی ہندوستان کی کوششوں پر زور دیا۔ انھوں نے آپریشن سندور کے ذریعے ہندوستان کے مناسب جواب اور اپنے شہریوں کی حفاظت کو آگے بڑھانے کے بارے میں ہماری کوششوں پر بھی بات کی۔‘‘
EAM Dr. Jaishankar Ji’s exceptional speech in the Rajya Sabha emphasised India’s efforts to make terrorism a subject of global attention. He also talked about India’s fitting response through Operation Sindoor and how we are furthering the safety of our citizens. https://t.co/EVdO2asMo0
— Narendra Modi (@narendramodi) July 31, 2025
اس سے قبل پی ایم مودی نے راجیہ سھا میں وزیر داخلہ امت شاہ کے خطاب کو بھی شیئر کیا اور اسے ایک شاندار خطاب قرار دیتے ہوئے کہا کہ انھوں نے قومی سلامتی اور دہشت گردی کے خاتمے سے متعلق حکومت کا موقف پوری وضاحت سے پیش کیا ہے۔ وزیراعظم مودی نے جمعرات کی صبح ایکس پر امت شاہ کے راجیہ سبھا میں خطاب کی ویڈیو شیئر کرتے ہوئے لکھا کہ ’’راجیہ سبھا میں وزیر داخلہ امت شاہ کی شاندار تقریر۔ انھوں نے قومی سلامتی، دہشت گرد نیٹ ورکس کے خاتمے اور آپریشن سندور کی کامیابی جیسے اہم امور پر حکومت کا موقف واضح طور پر پیش کیا۔‘‘
اس سے قبل راجیہ سبھا میں اپوزیشن لیڈر اور کانگریس صدر ملیکا ارجن کھڑگے نے وزیراعظم مودی سے راجیہ سبھا میں آکر آپریشن سندور پر جواب دینے کا مطالبہ کیا۔ انہوں نے کہا کہ وزیراعظم کی غیر موجودگی ایوان کی توہین ہے، کیونکہ کئی اہم سوالات براہ راست ان سے جڑے ہوئے ہیں۔ بحث کے دوران امت شاہ اور کھڑگے کے درمیان گرما گرم بحث ہوئی، جس کے بعد اپوزیشن اراکین نے ایوان سے واک آؤٹ کر دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
