نئی دہلی۔ وزیراعظم نریندر مودی نے اتوار 30 نومبر کو اپنے ماہانہ ریڈیو پروگرام من کی بات کے 128ویں ایپی سوڈ سے قوم کو مخاطب کرتے ہوئے ملک کی ترقی، کھیلوں کی دنیا میں بھارت کی شاندار کامیابیوں اور سائنس و ٹیکنالوجی کے شعبے میں تیز رفتار پیش رفت پر روشنی ڈالی۔ اس دوران وزیراعظم نے کہا کہ آج بھارت صرف میدانِ جنگ میں نہیں بلکہ میدانِ کھیل اور لیبارٹریوں میں بھی دنیا کا پرچم بلند کر رہا ہے۔ نوجوان کھلاڑیوں کی محنت اور سائنسدانوں کی جدت طرازی نے بھارت کو عالمی سطح پر نئی شناخت دی ہے۔
یہ پروگرام آل انڈیا ریڈیو، نیوز آن ایئر موبائل ایپ، ڈی ڈی نیوز اور وزیراعظم دفتر سمیت ہندوستان اور بیرون ملک مختلف ڈیجیٹل پلیٹ فارمز پر براہِ راست نشر کیا گیا۔ آکاشوانی پر ہندی نشریات کے بعد ملک کی تمام علاقائی زبانوں میں بھی نشریات
پیش کی گئیں۔
PM Modi Live | Mann Ki Baat 128th Episode Live Broadcast https://t.co/BbKrzzDxUv
— IANS (@ians_india) November 30, 2025
اپنے خطاب میں وزیراعظم نریندر مودی نے نومبر کے مہینے کو بھارت کے لیے خاص قرار دیا اور بتایا کہ اس مہینے میں کئی اہم قومی اور تہذیبی مواقع منائے گئے یا منائے جانے والے ہیں۔ انہوں نے بتایا کہ 26 نومبر کو ‘یومِ دستور’ کے موقع پر پارلیمنٹ کے مرکزی ہال میں خصوصی تقریب منعقد ہوئی، جس میں دستور سازوں کو خراجِ عقیدت پیش کیا گیا۔
انہوں نے ’ونڈے ماترم‘ کے 150 سال مکمل ہونے کے موقع پر ملک بھر میں شروع ہونے والے خصوصی تقریبات کا ذکر کیا اور اسے قومی جذبات کی عظیم علامت قرار دیا۔ اس کے ساتھ ہی انہوں نے بتایا کہ ایودھیا میں رام مندر کے مقام پر دھرم دھوجا کا تاریخی لمحہ تھا ،جس نے ملک بھر میں روحانی جوش اور مذہبی احترام کی فضا پیدا کی۔ کروکشیتر کے جیوتیسر میں پنچجنیہ میموریل کے افتتاح کا ذکر کرتے ہوئے وزیراعظم نے کہا کہ یہ مقام بھارت کی شاندار تہذیبی وراثت کی علامت ہے۔
وزیراعظم نے کہا کہ ’من کی بات‘ ہمیشہ سے بھارت کے عوام کے ساتھ جڑنے کا ایک اہم ذریعہ رہا ہے، جہاں قومی موضوعات پر گفتگو کے ساتھ ساتھ سماجی ترقی اور عوامی شراکت داری کو تحریک دی جاتی ہے۔ انہوں نے بتایا کہ یہ پلیٹ فارم گراس روٹ سطح پر تبدیلی لانے والوں کی کامیاب کہانیوں کو ملک کے سامنے لاتا ہے۔
گزشتہ 127ویں ایپیسوڈ، جو 26 اکتوبر کو نشر ہوا تھا، میں وزیراعظم نے چھٹھ پوجا کی مبارکباد دی تھی، سنسکرت کی ترویج اور نوجوان مصنفین کی حوصلہ افزائی کا ذکر کیا تھا اور بھارت کی کافی انڈسٹری کے عالمی وقار میں اضافہ ہونے پر خوشی کا اظہار کیا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
