گجرات کے بھاؤنگر میں ہفتے کے روز وزیراعظم نریندر مودی کا روڈ شو ہوا، جس میں عوام کی بڑی تعداد نے شرکت کی۔ جگہ جگہ خیرمقدمی نعرے لگائے گئے اور مودی کے قافلے پر پھول برسائے گئے۔ اسی دوران ایک بچے نے وزیراعظم کو سلام کیا جس پر مودی نے بھی فوراً بچے کو سلامی دے کر جواب دیا۔ یہ منظر دیکھ کر لوگ پرجوش ہوگئے اور تالیاں بجا کر خیرمقدم کیا۔
ભાવનગરે તો વટ પાડી દીધો…#SamudraSeSamriddhi pic.twitter.com/F3puWyt27f
— BJP Gujarat (@BJP4Gujarat) September 20, 2025
’سمندر سے سمرِدھی‘ تقریب میں 34,200 کروڑ کے منصوبے
اس سے قبل وزیراعظم مودی نے ’سمندر سے سمرِدھی‘ پروگرام میں 34,200 کروڑ روپے سے زائد لاگت کے ترقیاتی منصوبوں کا افتتاح اور سنگ بنیاد رکھا۔
بحری شعبے کے منصوبے
وزیراعظم نے بحری شعبے سے متعلق 7,870 کروڑ روپے کے منصوبوں کا افتتاح کیا۔ ان میں ممبئی انٹرنیشنل کروز ٹرمینل، کولکاتہ کے شیاما پرساد مکھرجی پورٹ پر نیا کنٹینر ٹرمینل، پڑودیپ پورٹ پر کارگو سہولیات، کاندلا بندرگاہ پر گرین بایو میتھانول پلانٹ، اینور بندرگاہ پر جدید فائر فائٹنگ اور سڑک رابطے، کارنیکوبار میں سی وال اور وارانسی و پٹنہ میں شپ ریپیر سہولیات شامل ہیں۔
Chip हो या Ship… हमें भारत में ही बनाने होंगे।
વિશ્વના સૌથી લોકપ્રિય નેતા અને આપણા યશસ્વી પ્રધાનમંત્રી શ્રી @narendramodi જીએ ભાવનગર ખાતે આયોજિત ‘સમુદ્ર સે સમૃદ્ધિ’ કાર્યક્રમમાં કેન્દ્ર અને રાજ્ય સરકારના કુલ ₹33,000 કરોડથી વધુના વિકાસકાર્યોનું ખાતમુહૂર્ત અને લોકાર્પણ કર્યું.… pic.twitter.com/DpN0iibSoG
— BJP Gujarat (@BJP4Gujarat) September 20, 2025
گجرات میں متنوع ترقیاتی کام
وزیراعظم نے گجرات میں مرکز اور ریاستی حکومت کے اشتراک سے 26,354 کروڑ روپے سے زائد کے منصوبوں کا افتتاح بھی کیا۔ ان میں چھرا پورٹ پر ایچ پی ایل این جی ری گیسفیکیشن ٹرمینل، آئی اوسی ایل ریفائنری میں اکریلکس و آکسا الکحل پراجیکٹ، 600 میگاواٹ گرین شو انیشی ایٹو، پی ایم کسُم کے تحت 475 میگاواٹ سولر فیڈر، بدیلی میں 45 میگاواٹ سولر پروجیکٹ اور دھوردو گاؤں کی مکمل سولرائزیشن شامل ہے۔
بنیادی ڈھانچے اور صحت عامہ کے منصوبے
اس موقع پر وزیراعظم نے صحت اور انفراسٹرکچر کے کئی منصوبوں کا بھی سنگ بنیاد رکھا، جن میں بھاؤنگر کے سر ٹی جنرل اسپتال اور جام نگر کے گرو گووند سنگھ سرکاری اسپتال کی توسیع، قومی شاہراہوں کی 70 کلومیٹر تک فور لیننگ، ایل این جی انفراسٹرکچر اور قابل تجدید توانائی کے اضافی منصوبے شامل ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
