وزیر اعظم نریندر مودی نے ہفتہ کو بھوپال میں دیوی اہلیا بائی ہولکر کی 300 ویں جینتی کے موقع پر ایک خصوصی ₹ 300 کے یادگاری سکے کی نقاب کشائی کی، جو ہندوستان کی سب سے قابل احترام خاتون حکمرانوں میں سے ایک ہیں۔ یہ اجرا جمبوری میدان میں منعقدہ خواتین کو بااختیار بنانے کے مہا سمیلن کا حصہ تھا، جس میں مدھیہ پردیش بھر سے ہزاروں افراد نے شرکت کی۔ اس دوران وزیر اعظم نے یادگاری ڈاک ٹکٹ کا بھی اجرا کیا۔
लोकमाता देवी अहिल्याबाई होल्कर की 300वीं जयंती के मौके पर डाक टिकट और स्मारक सिक्का जारी करने का सौभाग्य पाकर गौरवान्वित हूं। pic.twitter.com/xrfpdtjKVT
— Narendra Modi (@narendramodi) May 31, 2025
مرکزی وزارت ثقافت کی طرف سے جاری کردہ اس سکے میں اہلیا بائی ہولکر کی ابھری ہوئی تصویر ہے، جس میں انھیں گڈ گورننس، انسان دوستی اور ثقافتی نشاۃ ثانیہ کی علامت کے طور پر اعزاز دیا گیا ہے۔ وزارت خزانہ کی جانب سے ایک سرکاری گزٹ نوٹیفکیشن میں سکے کے اجراء کی تصدیق کی گئی، جو کہ اہلیا بائی ہولکر کو ایک تاریخی خراج تحسین ہے۔
भोपाल में लोकमाता देवी अहिल्याबाई होल्कर की जयंती पर श्रद्धासुमन अर्पित करने का सौभाग्य मिला। राष्ट्रसेवा के प्रति उनका समर्पण भाव हर किसी के लिए प्रेरणास्रोत बना रहेगा। pic.twitter.com/ov5IFAAytq
— Narendra Modi (@narendramodi) May 31, 2025
یادگاری سکے کا اجرا کرنے سے پہلے وزیر اعظم مودی اہلیابائی ہولکر کے مجسمے پر پھول چڑھائے اور ان کی غیر معمولی خدمات کو یاد کرتے ہوئے انھیں خراج عقیدت پیش کیا۔ 1725 میں مہاراشٹر کے چونڈی میں پیدا ہونے والی اہلیا بائی ہولکر نے ذاتی سانحوں سے گزرنے کے بعد اندور کی باگ ڈور سنبھالی اور 1767 سے تقریباً تین دہائیوں تک وہاں حکومت کی۔ ان کی خدمات میں بنیادی ڈھانچے کی ترقی، مندروں کی بحالی، بشمول مشہور کاشی وشوناتھ مندر اور تجارت اور فلاح و بہبود کو فروغ دینا شامل ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
