کیرل کے وزیرِ اعلیٰ پنارائی وجین نے جمعہ کے روز ترواننت پورم میں وزیراعظم نریندر مودی کا شاندار استقبال کیا۔ وزیر اعظم ریاست میں متعدد بڑے ترقیاتی منصوبوں کے افتتاح اور آغاز کے لیے پہنچے، جسے وزیرِ اعلیٰ نے کیرل کے لیے خوشی اور اطمینان کا لمحہ قرار دیا۔ پنارائی وجین نے کہا کہ وزیراعظم کا یہ دورہ ریاست کی مجموعی ترقی کو نئی رفتار دینے میں نہایت مددگار ثابت ہوگا۔وزیر اعلیٰ نے اپنے خطاب میں کہا کہ کئی اہم منصوبوں کے افتتاح اور لوکارپن کے لیے وزیر اعظم کی موجودگی کیرل کے لیے ایک مثبت پیش رفت ہے۔ انہوں نے اس موقع پر اسٹیج پر موجود معزز شخصیات کا خیرمقدم بھی کیا، جن میں گورنر راجندر وی ارلیکر، ترواننت پورم کے میئر وی وی راجیش، مرکزی وزیرِ مملکت جارج کوریئن، مقامی خود اختیاری کے وزیر ایم بی راجیش، رکن پارلیمنٹ ششی تھرور، سابق مرکزی وزیر راجیو چندرشیکھر، سینئر افسران اور مختلف فلاحی اسکیموں کے مستفیدین شامل تھے۔
#WATCH | Thiruvananthapuram, Kerala | PM Modi flags off three new Amrit Bharat trains, Nagercoil-Mangaluru, Thiruvananthapuram-Tambaram, Thiruvananthapuram-Charlapalli, and a new passenger train between Thrissur and Guruvayur.
(Video source: DD) pic.twitter.com/cUnLUnArVr
— ANI (@ANI) January 23, 2026
وزیر اعلیٰ نے سی ایس آئی آر۔این آئی آئی ایس ٹی انوویشن، ٹیکنالوجی اور انٹرپرینیورشپ ہب کے لیے سنگِ بنیاد رکھنے، نئے پوجاپور ہیڈ پوسٹ آفس کی عمارت کے افتتاح اور پی ایم سواندھی اسکیم کے آغاز کا ذکر کیا، جس سے ایک لاکھ اسٹریٹ وینڈرز کو فائدہ پہنچے گا۔ انہوں نے بتایا کہ اس موقع پر اسکیم کے تحت مستفیدین کو کریڈٹ کارڈ اور قرض کے چیک بھی فراہم کیے گئے۔
Looking forward to addressing a BJP-NDA public meeting in Thiruvananthapuram today. This city scripted history by blessing us in the recently concluded corporation elections. It’s clear Kerala is looking to break free from the fixed match of LDF and UDF.
— Narendra Modi (@narendramodi) January 23, 2026
نئی ریل خدمات اور ترقیاتی منصوبوں پر اظہاراطمینان
پنارائی وجین نے وزیراعظم مودی کی جانب سے تین امرت بھارت ایکسپریس ٹرینوں اور ایک پیسنجر ٹرین کو ہری جھنڈی دکھانے کا بھی مزید تذکرہ کیا۔ انہوں نے کہا کہ یہ نئی ریل خدمات کیرل کے لیے رابطہ کاری اور معاشی سرگرمیوں کے اعتبار سے بے حد اہم ہیں اور ان سے ریاستی ترقی کو مزید تقویت ملے گی۔وزیراعلیٰ نے کہا کہ یہ ریاستی حکومت کے لیے خاص اطمینان کا لمحہ ہے، کیونکہ ان میں سے کئی منصوبوں کے لیے طویل عرصے سے مرکزی حکومت سے منظوری کی درخواست کی جا رہی تھی۔ انہوں نے ان منصوبوں کو منظوری دینے پر وزیر اعظم مودی کا شکریہ ادا کیا۔
اپنے خطاب کے اختتام پر پنارائی وجین نے امید ظاہر کی کہ کیرل کے تئیں مرکز کی توجہ اور خیرسگالی آئندہ بھی برقرار رہے گی اور دیگر شعبوں میں ریاست کی حقیقی ضروریات پر بھی وقت کے ساتھ غور کیا جائے گا۔ انہوں نے یقین دلایا کہ وزیر اعظم ان منصوبوں کو مقررہ وقت پر مکمل کروانے کو یقینی بنائیں گے اور آخر میں ریاست اور اپنی جانب سے ایک بار پھر وزیراعظم مودی کا پرتپاک خیرمقدم کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
