اوسلو: وزیر اعظم نریندر مودی نے پیر کے روز اوسلو کے رائل پیلس میں ناروے کے بادشاہ ہیرالڈ پنجم سے ملاقات کی۔ اس دوران دونوں لیڈران نے مختلف شعبوں، خصوصاً نئی ٹیکنالوجی میں بھارتی اور ناروے کی کمپنیوں کی شاندار پیش رفت پر تبادلۂ خیال کیا۔ ملاقات کے دوران وزیر اعظم مودی نے کنگ ہیرالڈ کو بھارت کے عوام کی جانب سے نیک خواہشات بھی پیش کیں۔
تاریخی دوستی اور مشترکہ اقدار پر زور
وزیر اعظم دفتر (پی ایم او) کے مطابق، وزیر اعظم مودی نے ناروے کی قدرتی خوبصورتی کی تعریف کی اور اس بات پر زور دیا کہ بھارت اور ناروے کے درمیان دیرینہ دوستی جمہوریت، قانون کی حکمرانی اور عوام پر مبنی طرز حکمرانی جیسی مشترکہ اقدار پر قائم ہے، جو وقت کے ساتھ مزید مضبوط ہو رہی ہے۔ ملاقات کے بعد کنگ ہیرالڈ نے وزیر اعظم مودی کے اعزاز میں ظہرانے کا اہتمام بھی کیا۔ وزیر اعظم نے شاہی مہمان نوازی پر ناروے کے بادشاہ کا شکریہ ادا کیا۔
مودی کو ملا ناروے کے اعلیٰ ترین اعزاز
اس سے قبل صبح کے وقت وزیر اعظم مودی کو ناروے کے سب سے بڑے اعزاز ’رائل ناروے جین آرڈر آف میرٹ کے گرینڈ کراس‘ سے نوازا گیا۔ یہ اعزاز خود کنگ ہیرالڈ نے انہیں پیش کیا۔ اعزاز حاصل کرنے کے بعد وزیر اعظم مودی نے کہا کہ وہ اس اعزاز کو حاصل کرکے خود کو فخر محسوس کر رہے ہیں۔ انہوں نے کہا کہ یہ اعزاز بھارت کے عوام کے نام ہے اور بھارت و ناروے کے درمیان مضبوط اور دائمی دوستی کو خراج تحسین پیش کرتا ہے۔ انہوں نے مزید کہا کہ یہ اعزاز عالمی ترقی کے لیے دونوں ممالک کے مشترکہ عزم کی عکاسی کرتا ہے۔ وزیر اعظم نے اس موقع پر کنگ ہیرالڈ اور ناروے کے عوام کا شکریہ بھی ادا کیا۔
گرین اسٹریٹجک پارٹنرشپ تک بڑھے تعلقات
پی ایم او کے مطابق یہ اعزاز ناروے کا سب سے بڑا اعزاز ہے، جو غیر ملکی سربراہان حکومت کو ناروے اور انسانیت کی خدمت میں نمایاں کردار ادا کرنے پر دیا جاتا ہے۔ وزیر اعظم مودی نے اپنے ناروے کے ہم منصب جوناس گہر اسٹور کے ساتھ مشترکہ میڈیا خطاب میں اعلان کیا کہ بھارت اور ناروے کے تعلقات کو ’گرین اسٹریٹجک پارٹنرشپ‘ تک بڑھا دیا گیا ہے۔ انہوں نے کہا کہ یہ شراکت داری بھارت کے وسیع پیمانے، رفتار اور ٹیلنٹ کو ناروے کی ٹیکنالوجی اور سرمایہ کے ساتھ جوڑتے ہوئے دونوں ممالک کی کمپنیوں کو عالمی سطح کے حل تیار کرنے میں مدد دے گی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
