وزیر اعظم نریندر مودی اور سری لنکا کے صدر انورا کمارا دِسانائیکے افتتاح کے موقع پر۔
وزیر اعظم نریندر مودی نے سری لنکا دورے کے آج آخری دن صدر انورا کمارا دِسانائیکے کے ساتھ مل کر مہو-انورادھا پورہ ریلوے لائن کے سگنلنگ سسٹم کا افتتاح کیا۔ اس پروجیکٹ میں ہندوستان سری لنکا کی مدد کر رہا ہے۔ اس موقع پر وزیر اعظم مودی نے انورادھا پورہ ریلوے اسٹیشن پر ایک ٹرین کو بھی ہری جھنڈی دکھائی۔
PM @narendramodi and Sri Lankan President @anuradisanayake together launched the track upgradation of the Maho-Omanthai railway and the advanced signalling-telecom project for the Maho-Anuradhapura section in Anuradhapura, supported by the Government of India. pic.twitter.com/P6HcXdpFDB
— narendramodi_in (@narendramodi_in) April 6, 2025
سری لنکائی صدر انورا کمارا دسانائیکے کے ساتھ وزیر اعظم مودی انورادھا پورہ میں واقع جئے شری مہا بودھی مندر بھی پہنچے۔ یہاں مندر کے خاص پجاری نے مودی کے ہاتھ پر رکچھا کا دھاگہ باندھا۔ واضح رہے کہ یہ مندر ہندوستان اور سری لنکا کے درمیان روحانی اور ثقافتی اہمیت کا مرکز ہے۔ مندر میں ایک بودھی درخت ہے۔ مانا جاتا ہے کہ سمراٹ اشوک کی بیٹی سنگھ مترا ہندوستان سے پودے لے کر آئی تھی، اُنہی سے یہ پیڑ تیار ہوا ہے۔
#WATCH | PM Narendra Modi, accompanied by Sri Lankan President Anura Kumara Dissanayake at Jaya Sri Maha Bodhi temple in Anuradhapura, Sri Lanka.
(Source – DD News) pic.twitter.com/M1X7zT0xs7
— ANI (@ANI) April 6, 2025
انورادھا پورہ سری لنکا کا تاریخی شہر ہے۔ اتوار کو یہاں پہنچنے پر وزیر اعظم مودی کا صدر دسانائیکے نے پُرتپاک استقبال کیا۔ سری لنکا کی فضائیہ کے جوانوں نے وزیر اعظم مودی کو گارڈ آف آنر دیا۔ اس موقع پر مودی نے اپنے سوشل میڈیا پوسٹ میں لکھا، ’’اپنے دوست انورا کمارا دسانائیکے کے ساتھ انورادھا پورہ میں‘‘۔
دونوں رہنماؤں نے ساتھ مل کر ماہو-اومان تھائی لائن کے جدید ریلوے ٹریک اور ماہو-انورادھا پورہ ریلوے سیکشن کے نئے سگنلنگ سسٹم کا افتتاح کیا۔ ان دونوں پروجیکٹ کو ہندوستان کے تعاون سے تیار کیا گیا ہے۔ ہندوستان کی وزارت ریل کے تحت ایک پبلک سیکٹر کے انڈر ٹیکنگ ایرکان انٹرنیشنل لمیٹیڈ نے ان پروجیکٹ پر کام کیا ہے۔
واضح رہے کہ ہند۔سری لنکا کے درمیان ہفتہ کو دفاع سمیت سات معاہدوں پر مہر لگی ہے۔ سری لنکا نے وزیر اعظم مودی کو ملک کے اعلیٰ ترین اعزاز میں سے ایک ’سری لنکا متر وِبھوشن‘ سے نوازا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
