نئی دہلی: وزیراعظم نریندر مودی نے ہفتہ کے روز رائے پتھورا کلچرل کمپلیکس میں پپرہوا آثارِ مقدسہ کی عظیم بین الاقوامی نمائش کا افتتاح کیا۔ اس نمائش کا عنوان ’’دی لائٹ اینڈ دی لوٹس: بیدار ذات کے آثار‘‘ رکھا گیا ہے۔
127 برس بعد بدھ مت کے قیمتی آثار کی واپسی
یہ نمائش ایک تاریخی موقع کی علامت ہے، کیونکہ اس میں بھگوان بدھ سے منسوب پپرہوا کے قیمتی جواہراتی آثار 127 برس بعد وطن واپس لائے گئے ہیں۔ نمائش میں 1898 کی کھدائی اور بعد ازاں 1971 تا 1975 کے دوران پیپرہوا مقام پر ہونے والی کھدائی سے دریافت شدہ آثار، جواہراتی باقیات اور مقدس صندوق (ریلیکویریز) بھی شامل ہیں۔
وزیراعظم کا پیغام
وزیراعظم نریندر مودی نے نمائش کی تصاویر سوشل میڈیا پر شیئر کرتے ہوئے عوام سے اس نمائش کو دیکھنے کی اپیل کی۔ انہوں نے کہا: ’’یہ نمائش ایک صدی سے زائد عرصے بعد واپس لائے گئے پپرہوا آثار کو یکجا کرتی ہے۔ اس میں قومی عجائب گھر، نئی دہلی اور انڈین میوزیم، کولکتہ میں محفوظ مستند آثار اور آثارِ قدیمہ کا مواد شامل ہے۔ یہ نمائش بھگوان بدھ کی عظیم تعلیمات کو عام کرنے کے ہمارے عزم کے مطابق ہے اور نوجوان نسل کو ہماری شاندار ثقافت سے جوڑنے کی ایک کوشش بھی ہے۔ میں ان تمام افراد کی ستائش کرتا ہوں جنہوں نے ان آثار کی واپسی میں کردار ادا کیا۔‘‘
Here are glimpses from the Grand International Exposition of Sacred Piprahwa Relics in Delhi. I call upon all those passionate about culture and Buddhism to come to this Exposition. pic.twitter.com/gzCV0Bkl3j
— Narendra Modi (@narendramodi) January 2, 2026
تاریخ اور ثقافت کے شائقین کی بھرپور شرکت
اس نمائش میں ملک اور بیرون ملک سے مؤرخین، ثقافتی ماہرین اور بدھ مت کے پیروکار بڑی تعداد میں شریک ہو رہے ہیں، جو بھارت کی قدیم تہذیبی وراثت کے تحفظ اور فروغ کی کوششوں کو اجاگر کرتی ہے۔
ساوتری بائی پھولے کو خراج عقیدت
اس سے قبل وزیر اعظم نریندر مودی نے سماجی مصلح ساوتری بائی پھولے کی یوم پیدائش پر انہیں خراج عقیدت پیش کیا۔ انہوں نے کہا کہ ساوتری بائی پھولے نے تعلیم اور خدمت کے ذریعے ہندوستانی سماج میں انقلابی تبدیلیاں پیدا کیں اور مساوات، انصاف اور ہمدردی کے اصولوں پر کاربند رہیں۔ ساوتری بائی پھولے مہاراشٹر سے تعلق رکھنے والی سماجی مصلح، ماہرِ تعلیم اور شاعرہ تھیں۔ انہیں بھارت کی پہلی خاتون معلمہ قرار دیا جاتا ہے۔ انہوں نے اپنے شوہر جیوتی راؤ پھولے کے ساتھ 1848 میں پونے میں لڑکیوں کے لیے اولین اسکول قائم کیا اور ذات پات و صنفی امتیاز کے خلاف جدوجہد کی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
