ملک بھر میں جمعرات کو تقسیم ہند کی ہولناکیوں کی یاد کا دن منایا جارہا ہے۔ اس موقع پر وزیر اعظم نریندر مودی نے ان لاکھوں افراد کو خراج پیش کیا جنھوں نے تقسیم ہند کے دوران ’’درد‘‘ برداشت کیا۔ سوشل میڈیا پلیٹ فارم ’ایکس‘ پر ایک پوسٹ میں وزیر اعظم نے تقسیم ہند کو ’’ہندوستان کی تاریخ کا ایک المناک باب‘‘ قرار دیا اور اتحاد و ہم آہنگی کا پیغام دیتے ہوئے عوام سے ملک میں اتحاد کو مضبوط کرنے کی اپیل کی۔
وزیر اعظم مودی نے لکھا کہ ’’بھارت آج تقسیم ہند کی ہولناکیوں کی یاد کا دن منا رہا ہے، جب ہماری تاریخ کے اس المناک باب کے دوران بے شمار لوگوں نے ابتری اور درد کو جھیلا۔ یہ دن اُن کے حوصلے کو خراج دینے کا موقع ہے۔۔ اُن کی صلاحیت کو سراہنے کا موقع ہے جنھوں نے ناقابل تصور نقصان کا سامنا کیا، پھر بھی دوبارہ نئی شروعات کرنے کی طاقت کا مظاہرہ کیا۔‘‘
India observes #PartitionHorrorsRemembranceDay, remembering the upheaval and pain endured by countless people during that tragic chapter of our history. It is also a day to honour their grit…their ability to face unimaginable loss and still find the strength to start afresh.…
— Narendra Modi (@narendramodi) August 14, 2025
انھوں نے مزید کہا کہ ’’ان میں سے کئی متاثرین نے اپنی زندگیاں نئے سرے سے تعمیر کیں اور قابل ذکر کامیابیاں حاصل کیں۔ یہ دن ہمیں اس مستقل ذمہ داری کی یاد دلاتا ہے کہ ہم اُس ہم آہنگی کے رشتے کو مضبوط کریں جو ہمارے ملک کو جوڑ کر رکھتے ہیں۔‘‘ واضح رہے کہ ہندوستان میں 14 اگست ’’تقسیم ہند کی ہولناکیوں کی یاد کا دن‘‘ کے طور پر منایا جاتا ہے، تاکہ ان لاکھوں افراد کو خراج عقیدت پیش کیا جا سکے جنھوں نے 1947 کی تقسیم کے دوران اپنی جانیں گنوائیں یا جبراً بے گھر کیے گئے۔ ایک اندازے کے مطابق تقسیم ہند کے دوران دو کروڑ افراد متاثر ہوئے اور تاریخ کی سب سے بڑی ہجرت پر مجبور ہوئے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
