مرکزی کابینہ کے وزیر رام موہن نائیڈو اپنا یومِ پیدائش منا رہے ہیں۔ اس موقع پر بھارت کے وزیر اعظم نریندر مودی نے انہیں یومِ پیدائش کی دلی مبارکباد پیش کرتے ہوئے ان کی اچھی صحت اور طویل عمر کی تمنا کی۔
سول ایوی ایشن کے شعبے میں نمایاں خدمات
وزیر اعظم نریندر مودی نے اپنی ایکس پوسٹ میں لکھا، ’’مرکزی وزیر رام موہن نائیڈو کنجراپو گارو کو یوم پیدائش کی مبارکباد۔‘‘
Birthday wishes to Union Minister Shri Ram Mohan Naidu Kinjarapu Garu. He is a youthful leader who is working extensively to reform the civil aviation sector. Praying for his long life and wonderful health.@RamMNK
— Narendra Modi (@narendramodi) December 18, 2025
وزیر اعظم نریندر مودی نے مزید لکھا کہ رام موہن نائیڈو ایک نوجوان لیڈر ہیں جو شہری ہوابازی کے شعبے میں اصلاحات کے لیے بڑے پیمانے پر کام کر رہے ہیں۔ انہوں نے ان کی دراز عمر اور اچھی صحت کے لیے دعا کی۔
وہیں مرکزی وزیر داخلہ امت شاہ نے بھی رام موہن نائیڈو کو یومِ پیدائش کی دلی مبارکباد دی۔ امت شاہ نے ایکس پر اپنی پوسٹ میں لکھا، ’’مرکزی کابینہ کے وزیر @RamMNK کو یوم پیدائش کی دل سے مبارکباد۔‘‘ انہوں نے وزیر رام موہن نائیڈو کی بہتر صحت کی خواہش کا اظہار کرتے ہوئے مزید لکھا، ’’آپ ہمیشہ صحت مند رہیں اور آپ کی عمر دراز ہو۔‘‘
کون ہیں رام موہن نائیڈو؟
رام موہن نائیڈو بھارت کے 33ویں شہری ہوابازی کے وزیر ہیں۔ نائیڈو کی پیدائش 18 دسمبر 1987 میں آندھرا پردیش کے ضلع سری کاکولم میں ایک سیاسی خاندان میں ہوئی۔ سال 2024 میں بی جے پی کی قیادت والی حکومت نے انہیں مرکزی وزیر برائے شہری ہوابازی مقرر کیا۔رام موہن نائیڈو کے والد کنجراپو یرّن نائیڈو تلگو دیشم پارٹی (ٹی ڈی پی) کے سینئر اور قدآور لیڈروں میں شمار ہوتے تھے۔ ان کے والد 1996 سے 1998 تک مرکزی وزیر بھی رہ چکے ہیں۔ قابلِ ذکر ہے کہ والد کے انتقال کے بعد رام موہن نائیڈو نے عملی سیاست میں قدم رکھا اور آندھرا پردیش کی سری کاکولم لوک سبھا نشست سے تین مرتبہ رکن پارلیمنٹ منتخب ہو چکے ہیں۔ رام موہن نائیڈو کو آندھرا پردیش کے وزیر اعلیٰ چندرابابو نائیڈو کا قریبی اور معتمد ساتھی بھی مانا جاتا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
