PM Modi Calls India-Japan Ties Deep and Trusting: ’’بھارت-جاپان تعلقات ثقافت اور اعتماد پر مبنی تعلقات ہیں‘‘، پی ایم مودی نے کہا-اب دنیا میں دوڑیں گی ’’میڈ اِن انڈیا‘‘ گاڑیاں

وزیرِ اعظم نریندر مودی نے منگل کو احمد آباد میں سوزوکی موٹر پلانٹ کا دورہ کرتے ہوئے کہا کہ بھارت اور جاپان کا تعلق محض سفارتی نہیں بلکہ ثقافت اور اعتماد پر مبنی ہے۔ انھوں نے سوزوکی کی پہلی عالمی حکمتِ عملی پر مبنی بیٹری الیکٹرک گاڑی ’ای-ویٹارا‘ کو بھی جھنڈی دکھا کر روانہ کیا۔

’ماروتی سوزوکی‘ کی رفتار اب بلٹ ٹرین جیسی

پی ایم مودی نے کہا کہ بھارت میں ماروتی سوزوکی کے سفر نے اب ’’بلٹ ٹرین‘‘ جیسی رفتار پکڑ لی ہے۔ انھوں نے لتھیم آئن بیٹری بنانے کے پلانٹ کا افتتاح بھی کیا، جو سوزوکی، توشیبا اور ڈینسو کا مشترکہ منصوبہ ہے۔ وزیرِ اعظم مودی نے یاد دلایا کہ ویبرنٹ گجرات سمٹ کے آغاز میں جاپان ایک اہم شراکت دار تھا، جو بھارت-جاپان تعلقات کی مضبوط بنیاد کا مظہر ہے۔ انھوں نے کہا کہ جاپانی ثقافت کی گہرائی اور مقامی عادات کی قدر کرنے سے باہمی رشتہ مزید مستحکم ہوا ہے۔

اوثامو سوزوکی کو خراجِ تحسین

اس دوران وزیرِ اعظم مودی نے سوزوکی گروپ کے بانی اوثامو سوزوکی کو بھی یاد کیا اور کہا کہ ان کے وژن کی بدولت ماروتی سوزوکی بھارت میں ترقی کی نئی بلندیوں پر پہنچی۔ حکومتِ ہند نے انھیں پدم وبھوشن سے نوازا تھا۔ پی ایم مودی نے کہا کہ پہلے بھارت میں بیٹریاں مکمل طور پر درآمد کی جاتی تھیں، لیکن اب بیٹری سیل اور الیکٹروڈز بھی بھارت میں ہی تیار کیے جا رہے ہیں۔ انھوں نے کہا کہ ٹی ڈی ایس جی کے نئے منصوبے کے تحت جاپانی کمپنیاں بیٹری سیلز بھارت میں بنائیں گی، جس سے 80 فیصد سے زیادہ بیٹری کی ویلیو بھارت میں تیار ہوگی۔

جاپان کا دورہ کریں گے پی ایم مودی

اس موقع پر وزیرِ اعظم مودی نے اعلان کیا کہ وہ 29-30 اگست کو جاپان کے دورے پر جائیں گے جہاں وہ بھارت-جاپان سالانہ سربراہی اجلاس میں شرکت کریں گے۔ انھوں نے ماروتی جیسی کمپنیوں پر زور دیا کہ وہ نوجوانوں کے تبادلہ پروگراموں میں بڑھ چڑھ کر حصہ لیں۔

بھارت ایکسپریس اردو