وزیراعظم نریندر مودی نے بھارتی عوام سے Your Money, Your Right (آپ کا پیسہ، آپ کا حق) تحریک میں شامل ہونے کی اپیل کی ہے۔ مرکزی حکومت نے یہ پہل رواں سال اکتوبر میں اس مقصد کے ساتھ شروع کی تھی کہ لوگ اپنی وہ مالی رقم واپس حاصل کرسکیں جو بینکوں، انشورنس کمپنیوں، میوچوئل فنڈز اور شیئر مارکیٹ سے متعلق ڈویڈنڈ کی صورت میں غیر دعویدار پڑی ہوئی ہے۔ وزیراعظم نے لنکڈان پر ایک پوسٹ شیئر کرتے ہوئے ملک میں موجود غیر دعویدار رقوم کے بارے میں چند اہم اعداد و شمار پیش کیے: بھارتی بینکوں میں 78,000 کروڑ روپے غیر دعویدار جمع ہیں۔انشورنس کمپنیوں کے پاس 14,000 کروڑ روپے بغیر کلیم کے پڑے ہیں۔میوچوئل فنڈ کمپنیاں تقریباً 3,000 کروڑ روپے غیر دعویدار رکھ رہی ہیں۔9,000 کروڑ روپے ڈویڈنڈ کی شکل میں بغیر کلیم کے موجود ہیں۔
Here is a chance to convert a forgotten financial asset into a new opportunity.
Take part in the ‘Your Money, Your Right’ movement! https://t.co/4Td6wyz99i@LinkedIn
— Narendra Modi (@narendramodi) December 10, 2025
وزیراعظم نے لکھا، “یہ اعداد و شمار بہت سے لوگوں کے لیے حیران کن ہیں، کیونکہ یہ وہ رقم ہے جو لاکھوں خاندانوں کی محنت کی کمائی ہے۔”مودی کے مطابق اس مہم کا مقصد یہ یقینی بنانا ہے کہ ہر شہری وہ رقم واپس حاصل کرے جو اُس کا حق ہے۔ اس عمل کو آسان اور شفاف بنانے کے لیے ریزرو بینک آف انڈیا (RBI)، انشورنس ریگولیٹری اینڈ ڈیولپمنٹ اتھارٹی (IRDAI)، سیکورٹیز اینڈ ایکسچینج بورڈ آف انڈیا (SEBI) اور وزارتِ کارپوریٹ امور نے غیر دعویدار رقم کی بازیابی کے لیے خصوصی پورٹلز تیار کیے ہیں۔
انہوں نے بتایا کہ ملک کے 477 اضلاع میں، بشمول دور دراز دیہی علاقوں میں، سہولت کیمپ لگائے جا چکے ہیں۔ تقریباً 2,000 کروڑ روپے پہلے ہی ان کے اصل مالکان کو واپس کیے جا چکے ہیں۔وزیراعظم مودی نے شہریوں کو مشورہ دیا کہ وہ فوراً یہ جانچ کریں کہ کہیں ان کے یا ان کے خاندان کے پاس بھی کوئی غیر دعویدار رقم تو نہیں۔ متعلقہ پورٹلز پر جائیں اور ضلع میں لگنے والے سہولت کیمپوں سے فائدہ اٹھائیں۔آخر میں انہوں نے کہا،“ابھی قدم اٹھائیں اور اپنی رقم واپس پا کر بھولی ہوئی مالی پونجی کو نئے موقع میں بدل دیں۔ آپ کا پیسہ آپ ہی کا ہے—آئیے اسے آپ تک واپس لائیں۔ مل کر ایک شفاف، مالی طور پر بااختیار اور جامع ہندوستان بنائیں۔”
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
