نئی دہلی/گوہاٹی: آسام دیوس (سکفا دیوس) کے موقع پر وزیراعظم نریندر مودی اور مرکزی وزیر داخلہ امت شاہ نے آسام کے عوام کو تہنیتی پیغام دیا اور ریاست میں گزشتہ برسوں کے دوران ترقی کے تیز رفتار سفر کی تعریف کی۔ دونوں لیڈروں نے آسام کی تاریخی وراثت، ثقافتی شناخت اور امن و ہم آہنگی کے قیام کی کوششوں کو اہم قرار دیا۔
وزیراعظم نریندر مودی نے اپنے پیغام میں آسام کے لوگوں کو مبارکباد دیتے ہوئے ’ایکس‘ (سابقہ ٹوئٹر) پر لکھا کہ ”آسام دیوس پر آسام کے میرے پیارے بھائیوں اور بہنوں کو دلی مبارکباد۔ یہ دن سورگ دیو چاؤلنگ سکفا کے خوابوں کو پورا کرنے کے عزم کو دہرانے کا موقع ہے۔ گزشتہ چند سالوں میں مرکزی حکومت اور آسام کی این ڈی اے حکومت نے مل کر ریاست کی ترقی کے لیے دن رات کام کیا ہے۔ سڑک، ریل، اسپتال اور اسکول جیسے بنیادی ڈھانچے میں زبردست بہتری آئی ہے“۔ وزیراعظم نے مزید کہا کہ تائی–اہوم ثقافت اور تائی زبان کو فروغ دینے کے لیے کئی اہم اقدامات اٹھائے گئے ہیں، جس سے نوجوانوں کو نئی طاقت اور نئے مواقع میسر ہو رہے ہیں۔ انہوں نے آسام کی روایتی شناخت کو قومی اور عالمی سطح پر اجاگر کرنے کے عزم کا اظہار بھی کیا۔
Best wishes to my sisters and brothers of Assam on Asom Diwas.
Today is an occasion to reiterate our commitment to fulfilling the vision of Swargadeo Chaolung Sukapha. Over the last few years, the NDA Governments in the Centre and Assam are working tirelessly to boost the…
— Narendra Modi (@narendramodi) December 2, 2025
امت شاہ کا پیغام ”آسام کی ثقافت ہر بھارتی کے لیے فخر ہے“
مرکزی وزیر داخلہ اور وزیر برائے تعاون امت شاہ نے بھی آسام کے باشندوں کو آسام دیوس کی مبارکباد دیتے ہوئے کہا کہ “یہ دن اہوم سلطنت کی شاندار تاریخ کو یاد کرنے اور آسام کی بھرپور ثقافت کو محفوظ رکھنے کا عہد کرنے کا دن ہے۔ ہر بھارتی کو اس ثقافت پر فخر ہے“۔ امت شاہ نے کہا کہ وزیراعظم مودی کی قیادت میں گذشتہ نو سالوں میں آسام میں پائیدار امن قائم ہوا ہے، کئی عسکری تنظیموں نے ہتھیار ڈالے ہیں اور ترقی کی مرکزی دھارے میں شامل ہوئے ہیں۔ انہوں نے کہا کہ ریاست کو تعلیم، کاروبار اور ترقی کے ایک بڑے مرکز کے طور پر مضبوطی سے آگے بڑھایا جا رہا ہے۔
Warm wishes to our sisters and brothers of Assam on #AsomDivas.
This occasion commemorates the glory of the Ahom era and fortifies our commitment to protecting the rich culture of Assam, in which every Indian takes great pride. In the last 9 years the Modi-led NDA government has…
— Amit Shah (@AmitShah) December 2, 2025
وزیراعلیٰ ہمنتا بسوا سرما کا ردعمل
آسام دیوس کے موقع پر آسام کے وزیراعلیٰ ہمنتا بسوا سرما نے ’ایکس‘ پر اپنے پیغام میں امت شاہ کا شکریہ ادا کرتے ہوئے کہا کہ وزیراعظم مودی کی قیادت میں ’ڈبل انجن‘ حکومت نے اہوم وراثت اور ریاست کی عظیم شناخت کو عالمی سطح پر نمایاں کرنے میں کوئی کمی نہیں چھوڑی۔ انہوں نے یقین ظاہر کیا کہ آسام دیوس ملک کی وحدت کو مزید مضبوط کرے گا اور ثقافتی جڑوں سے رشتے کو گہرا بنائے گا۔ آسام دیوس کا یہ موقع آسام کی تاریخی شناخت اور جدید ترقی کے امتزاج کی علامت کے طور پر منایا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
