وزیر اعظم نریندر مودی نے جمعرات کو گرو پورنیما پر ہم وطنوں کو مبارکباد دی۔ گرو پورنیما کا تہوار روحانی اور تعلیمی گروؤں کے تئیں احترام کے اظہار کے لیے منایا جاتا ہے۔ اس موقع پر وزیر اعظم مود نے عقیدت مندوں کو مبارکباد دیتے ہوئے نیک خواہشات کا اظہار کیا ہے۔ سوشل میڈیا پلیٹ فارم ’ایکس‘ پر پوسٹ کرتے ہوئے وزیر اعظم مودی نے لکھا کہ ’’ملک کے تمام باشندوں کو گرو پورنیما کی ڈھیروں مبارکباد۔‘‘
सभी देशवासियों को गुरु पूर्णिमा की ढेरों शुभकामनाएं।
Best wishes to everyone on the special occasion of Guru Purnima.
— Narendra Modi (@narendramodi) July 10, 2025
امت شاہ نے بھی دی گرو پورنیما کی مبارکبادی
پی ایم مودی کے علاوہ مرکزی وزیر داخلہ امت شاہ نے بھی اس پرمسرت دن پر ہم وطنوں کو مبارکباد دی اور ہندوستانی ثقافت میں استاد اور شاگرد کے رشتے کی اہمیت کی وضاحت کی۔ مرکزی وزیر داخلہ امت شاہ نے لکھا کہ ’’گرو پورنیما کے پرمسرت موقع پر میں تمام گروؤں کو سلام پیش کرتا ہوں۔‘‘
गुरु पूर्णिमा के पावन अवसर पर सभी गुरुजनों को नमन करता हूँ।
भारतीय संस्कृति में गुरु-शिष्य का संबंध शिक्षा-दीक्षा के साथ ही आजीवन मार्गदर्शन का माध्यम भी होता है। हमारे इतिहास में गुरुओं ने सदैव शिष्यों में नैतिक मूल्य, ज्ञान, आचरण, संस्कृति तथा मातृभूमि के प्रति निष्ठा का भाव… pic.twitter.com/HgAfsyOu0l
— Amit Shah (@AmitShah) July 10, 2025
انھوں نے مزید لکھا کہ ’’ہندوستانی ثقافت میں استاد اور شاگرد کا رشتہ نہ صرف تعلیم کا ایک ذریعہ ہے بلکہ زندگی بھر کی رہنمائی کا ایک ذریعہ بھی ہے۔ ہماری تاریخ میں گروؤں نے ہمیشہ اخلاقی اقدار، علم، طرز عمل، ثقافت اور مادرِ وطن کے تئیں وفاداری کا جذبہ پیدا کرنے کا کام کیا ہے۔ اس موقع پر قوم کی تعمیر میں کردار ادا کرنے والے تمام اساتذہ کو مبارکباد پیش ہے۔‘‘
یوگی آدتیہ ناتھ نے ’’گرو‘‘ کی اہمیت کو کیا اجاگر
دریں اثنا اتر پردیش کے وزیر اعلی یوگی آدتیہ ناتھ نے بھی مبارکباد پیش کی اور اس دن کی روحانی اہمیت پر روشنی ڈالی۔ انھوں نے لکھا کہ ’’صرف گرو کی مہربانی سے ہی شاگرد جہالت سے خود شناسی اور تاریکی سے روشنی کی طرف بڑھتا ہے۔ گرو پورنیما کے پرمسرت موقع پر میں ان عظیم گروؤں کو سلام پیش کرتا ہوں جنھوں نے شاگردوں کی شخصیت کو تہذیب، خدمت اور سچائی کے جذبے سے ڈھالا اور انھیں زندگی کے اعلیٰ نظریات سے جوڑ دیا۔‘‘
واضح رہے کہ ہندو، سکھ، بدھ مت اور جین برادریوں کی طرف سے منائی جانے والی گرو پورنیما کو ویاس پورنیما کے نام سے بھی جانا جاتا ہے، جو مہابھارت کے مصنف بابا وید ویاس کی یوم پیدائش کے موقع پر منائی جاتی ہے۔ یہ دن ملک بھر میں روحانی سرگرمیوں جیسے گرو پوجا، دعاؤں اور تعلیمات کے ساتھ منایا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
