پیر کے روز پارلیمنٹ کے سامنے پیش کیے گئے اعداد و شمار کے مطابق پچھلے چار برسوں میں 9 ملین سے زیادہ اپ ڈیٹ شدہ انکم ٹیکس ریٹرن داخل کیے گئے ہیں جس سے ملکی خزانے کو 9,118 کروڑ روپے ملے ہیں۔ رضاکارانہ تعمیل کی حوصلہ افزائی کے لیے حکومت نے 2022 میں ٹیکس دہندگان کے لیے اضافی انکم ٹیکس ادا کر کے متعلقہ اسسٹمنٹ ایئر سے 2 سال تک اپ ڈیٹ شدہ I-T ریٹرن (ITR-U) فائل کرنے کا آپشن متعارف کرایا تھا۔
وزیر مملکت برائے خزانہ پنکج چودھری نے لوک سبھا کے سامنے پیش کردہ ایک تحریری جواب میں بتایا ہے کہ فائنانس بل 2025 کے ذریعے حکومت نے اپ ڈیٹ شدہ ریٹرن فائل کرنے کے لیے وقت کی حد کو متعلقہ اسسٹمنٹ ایئر سے 4 سال تک بڑھانے کی تجویز پیش کی ہے۔موجودہ اسسٹمنٹ ایئر (2024-25) میں 28 فروری تک تقریباً 464,000 اپ ڈیٹ شدہ آئی ٹی آر فائل کیے گئے ہیں اور ₹ 431.20 کروڑ کے ٹیکس ادا کیے گئے ہیں۔ وہیں اسسمنٹ ایئر 2023-24 میں 2.979 ملین سے زیادہ ITR-Us فائل کیے گئے اور ₹ 2,947 کروڑ اضافی ٹیکس ادا کیے گئے۔
اسسٹمنٹ ایئر 2022-23 اور 2021-22 میں بالترتیب 4.007 ملین اور 1.724 ملین اپڈیٹ شدہ ITRs فائل کیے گئے اور اضافی ₹3,940 کروڑ اور ₹1,799.76 کروڑ ٹیکس ادا کیے گئے۔مجموعی طور پر اسسٹمنٹ ایئر 2021-22 سے اسسٹمنٹ ایئر 2024-25 کے درمیان 9.176 ملین سے زیادہ ITR-Us فائل کیے گئے جس سے حکومت کو ₹9,118 کروڑ کا اضافی ٹیکس ملا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
