آپریشن ٹرائیڈنٹ کے تحت منشیات کی اسمگلنگ کے خلاف کارروائی کرتے ہوئے ایک بین الاقوامی منشیات گروہ کا پردہ فاش کیا گیا ہے۔ اس مہم کے تحت آسام، میزورم اور منی پور میں بیک وقت چھاپے مارے گئے، جس کے دوران 18 ملزمین کو گرفتار کیا گیا۔ مرکزی وزیر داخلہ امت شاہ نے اتوار کو اس کارروائی کی تفصیلات بتاتے ہوئے مہم میں شامل مرکزی ایجنسیوں اور تینوں ریاستوں کی پولیس ٹیموں کو مبارک باد دی۔
38 مقامات پر بیک وقت چھاپے
امت شاہ نے سوشل میڈیا پلیٹ فارم ایکس پر بتایا کہ 23 اکتوبر کو سکیورٹی ایجنسیوں نے تینوں ریاستوں میں 38 مقامات پر بیک وقت چھاپے مارے۔ اس کارروائی کا مقصد بین الاقوامی سطح پر سرگرم نارکو کارٹیل کے نیٹ ورک کو توڑنا تھا۔ ابتدائی تحقیقات میں گروہ کے حوالہ لین دین اور مالی سرگرمیوں سے متعلق کئی اہم انکشافات ہوئے ہیں۔
Modi Govt deals another lethal blow against drugs with Operation Trident.
Our agencies launched a barrage of simultaneous crackdowns across 38 locations in Assam, Mizoram and Manipur on 23 October, smashing an international narco-cartel. The operation revealed ₹100 crore worth of hawala transactions, froze 1,424 bank accounts, attached properties worth ₹17.82 crore, seized 500 detonators and ₹12 lakh in cash, and led to the arrest of 18 people.
The network trafficked narcotics across the borders of India, Myanmar and Bangladesh through the Death Triangle Corridor. The offensive attests to India’s Himalayan resolve to realise the mission of eradicating every drug network by 31 December 2029. India will hammer until the last nail is driven into the coffin of drug cartels.
Heartiest congratulations to the anti-narcotics team comprising central agencies, and police forces of the three states.
— Amit Shah (@AmitShah) October 25, 2026
وزیر داخلہ کے مطابق، تحقیقات کے دوران تقریباً 100 کروڑ روپے کے حوالہ لین دین کا پتہ چلا ہے۔ اس کے علاوہ 1,424 بینک اکاؤنٹس منجمد کیے گئے۔ حکام نے 17.82 کروڑ روپے کی جائیداد ضبط کی اور 12 لاکھ روپے نقد برآمد کیے۔ چھاپوں کے دوران 500 ڈیٹونیٹر بھی ملے ہیں۔ معاملے میں گرفتار 18 ملزمین سے مزید پوچھ گچھ کی جا رہی ہے۔
بھارت، میانمار اور بنگلہ دیش کی سرحدوں سے جڑا تھا نیٹ ورک
امت شاہ نے بتایا کہ یہ گروہ مبینہ طور پر ’ڈیتھ ٹرائینگل کوریڈور‘ کے ذریعے بھارت، میانمار اور بنگلہ دیش کی سرحدوں سے منشیات کی اسمگلنگ کرتا تھا۔ تحقیقاتی ایجنسیاں اب اس نیٹ ورک سے وابستہ دیگر افراد اور اس کے مالی لین دین کی کڑیوں کا پتہ لگانے میں مصروف ہیں۔
2029 تک منشیات کے خلاف مہم
وزیر داخلہ نے کہا کہ یہ کارروائی 31 دسمبر 2029 تک ملک میں منشیات کے نیٹ ورک کو ختم کرنے کے حکومتی ہدف کا حصہ ہے۔ انہوں نے واضح کیا کہ منشیات کی اسمگلنگ کے خلاف مہم جاری رہے گی۔ قابل ذکر ہے کہ مرکزی حکومت نے آنے والے برسوں میں منشیات کے خلاف مشترکہ کارروائی تیز کرنے کی بات کہی ہے۔ 21 اکتوبر کو نئی دہلی میں پولیس یادگاری دن کی تقریب میں بھی امت شاہ نے اس سمت میں مسلسل کوششیں جاری رکھنے کی بات کہی تھی۔ حکومت کا ہدف ملک کو منشیات کے مسئلے سے پاک کرنا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
