ہندوستانی فوج، فضائیہ اور بحریہ کے سربراہوں کی 7 مئی کو ’’آپریشن سندور‘‘ کی نگرانی کرنے والی پہلی تصاویر ہندوستانی فوج کے ہیڈ کوارٹر (IHQ) آپریشن روم نے جاری کی ہیں۔ یہ وہ جگہ ہے جہاں تینوں فوجی سربراہوں نے پورے مشن کی نگرانی کی۔ ان تصاویر میں چیف آف آرمی اسٹاف جنرل اوپیندر دویدی، ایئر چیف مارشل اے پی سنگھ، بحریہ کے سربراہ ایڈمرل دنیش کے ترپاٹھی دیگر سینئر حکام کے ساتھ پہلگام میں 22 اپریل کو ہوئے دہشت گردانہ حملے کے جواب میں شروع کیے گئے اہم آپریشن کی نگرانی کرتے ہوئے دیکھے جا سکتے ہیں۔
یہ تصاویر 7 مئی کو آدھی رات کو 1:05 بجے لی گئی تھیں، جو کہ اس ہائی اسٹیک مشن کے پیچھے کوآرڈینیشن کے تعلق سے اہم معلومات فراہم کرتی ہے۔ واضح رہے کہ 6 اور 7 مئی کی رات کے دوران سیکورٹی فورسز نے آپریشن سندور شروع کیا تھا جس میں 100 سے زیادہ دہشت گردوں کو ہلاک کیا گیا اور دہشت گردوں کے کئی ٹھکانوں کو تباہ کر دیا گیا۔
واضح رہے کہ 22 اپریل کو پہلگام دہشت گردانہ حملے میں سرحد پار سے ملوث ہونے کے معتبر شواہد اکٹھے کرنے کے بعد، جس میں 26 افراد ہلاک ہوئے تھے، ہندوستان نے 7 مئی کو ’آپریشن سندور‘ کے تحت پاکستان اور پی او کے میں دہشت گردی کے 9 ٹھکانوں کو نشانہ بناتے ہوئے درست حملے کیے تھے۔ ان حملوں نے لشکر طیبہ (LeT)، جیش محمد (JeM) اور حزب المجاہدین جیسے دہشت گرد گروپوں سے تعلق رکھنے والے کئی کیمپوں کو مؤثر طریقے سے تباہ کردیا گیا تھا۔
کلیدی اہداف میں کوٹلی میں گلپور اور عباس کیمپ اور بھمبر میں برنالہ کیمپ بھی شامل تھے۔ گلپور کیمپ جموں و کشمیر کے راجوری اور پونچھ علاقوں میں سرگرم لشکر طیبہ (ایل ای ٹی) کے دہشت گردوں کے ایک بڑے اڈے کے طور پر کام کرتا تھا، جب کہ عباس کیمپ بنیادی طور پر لشکر طیبہ کے خودکش بمباروں کو تربیت دینے کے لیے استعمال کیا جاتا تھا۔ وہیں برنالہ کیمپ ہتھیاروں کی تربیت، آئی ای ڈی بنانے اور جنگل میں جنگ کی تکنیکوں پر توجہ مرکوز کرتا تھا۔
ہندوستانی فوج کے عہدیداروں نے کہا کہ آپریشن سندور وسیع انٹیلی جنس ان پٹ کی بنیاد پر پلان کیا گیا تھا اور دہشت گردی کے نیٹ ورک کے گہرے تجزیے کے بعد سٹیک حملے کیے گئے تھے۔ فوج نے کہا کہ اس آپریشن کو نہایت چوکسی کے ساتھ پلان کیا گیا تھا اور اس میں کسی بھی عام شہری کو نقصان نہیں پہنچنے کو یقینی بنایا گیا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
