کلگام: جنوبی کشمیر کے کلگام ضلع کے گُدّر جنگل میں جاری ’آپریشن گُدّر‘ کے دوران دوسرا دہشت گرد ہلاک کر دیا گیا، جبکہ فائرنگ کے تبادلے میں ایک فوجی زخمی ہو گیا۔ زخمی فوجی کو طبی امداد کے لیے فوری طور پر اسپتال منتقل کیا گیا ہے۔
مشترکہ آپریشن کی تفصیل
بھارتی فوج کے 15 ویں کور (چنار کور) کے مطابق، جموں و کشمیر پولیس کی خفیہ اطلاع پر بھارتی فوج، جے کے پولیس اور سی آر پی ایف نے پیر کی صبح گُدّر جنگل میں مشترکہ سرچ آپریشن شروع کیا۔ سرچ کے دوران مشتبہ نقل و حرکت دیکھ کر جب فوج نے دہشت گردوں کو للکارا تو انہوں نے فائرنگ شروع کر دی، جس کے جواب میں جوابی کارروائی کی گئی۔
OP GUDDAR, Kulgam
Based on specific intelligence input by JKP, joint search operation was launched by #IndianArmy, @JmuKmrPolice & @crpf_srinagar in Guddar forest of #Kulgam.
Vigilant troops observed suspicious activity and upon being challenged, terrorists opened fire,… pic.twitter.com/pV3oWW6gor
— Chinar Corps🍁 – Indian Army (@ChinarcorpsIA) September 8, 2025
پہلا دہشت گرد صبح مارا گیا
آپریشن کے آغاز میں ایک دہشت گرد کو ہلاک کر دیا گیا تھا جبکہ اس جھڑپ میں ایک جونیئر کمیشنڈ آفیسر (جے سی او) زخمی ہوا۔ دن کے دوران جاری فائرنگ میں دوسرا دہشت گرد بھی مارا گیا۔ دونوں ہلاک شدہ دہشت گردوں کی شناخت اور گروہ سے تعلق معلوم کرنے کی کارروائی جاری ہے۔
آپریشن جاری، سکیورٹی فورسز الرٹ
کشمیر زونل پولیس کے مطابق، علاقے میں سکیورٹی فورسز کی کارروائی جاری ہے اور گُدّر جنگل کے اطراف ناکہ بندی کر دی گئی ہے تاکہ کسی بھی دہشت گرد کو فرار ہونے سے روکا جا سکے۔ اسپیشل آپریشنز گروپ (ایس او جی)، فوج اور سی آر پی ایف موقع پر موجود ہیں اور سرچ آپریشن مکمل ہونے تک علاقے کو گھیرے میں رکھا جائے گا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
