انیل وج
ہریانہ اسمبلی انتخابات کے لیے امیدواروں نے جمعرات (12 ستمبر) تک اپنے کاغذات نامزدگی داخل کر دیے ہیں۔ اب ہر کوئی مہم میں پوری طرح مصروف ہے۔ ادھر ہریانہ کے سابق وزیر داخلہ اور امبالہ کینٹ سے بی جے پی کے امیدوار انل وج نے کانگریس کو لے کر بڑا دعویٰ کیا ہے۔ اس کے علاوہ انہوں نے دہلی کے وزیر اعلی اروند کیجریوال کو سپریم کورٹ سے ضمانت ملنے پر بھی بیان دیا ہے۔
کانگریس کے تعلق سے بی جے پی کے امیدوار انیل وج نے کہا، “یہ (کانگریس) کاخیمہ کا ایک گروپ ہے اور ہرخیمہ اپنے اپنے لوگوں کو میدان میں اتارا ہے، کوئی بھی ہمارے خلاف الیکشن لڑنے کے لیے آ سکتا ہے۔ میں نے یہاں تک کہا تھا کہ بھوپیندر سنگھ ہڈا اگر الیکشن لڑنا چاہتے ہیں تو بلاشبہ مقابلہ آرائی کرسکتے ہیں ۔ انہوں نے مزید کہا کہ اگر راہل گاندھی میدان میں آکر مقابلہ کرنا چاہتے ہیں تو ضرور آئیں، انہیں اپنی حیثیت کا پتہ چل جائے گا، ہمارے لوگ سب جانتے ہیں۔
اروند کیجریوال کی ضمانت پر کیا کہا؟
اروند کیجریوال کی ضمانت پر انہوں نے کہا کہ ضمانت ملنے کا مطلب بری ہونا نہیں ہے، انہیں شرائط کے ساتھ ضمانت ملی ہے، پابندیاں اب بھی ان کے ساتھ ہیں،پہلے وہ جیل میں تھے اور اب وہ جیل میں نہیں ہیں۔ ہریانہ میں اروند کیجریوال آئیں۔ لوگ ان کو دیکھنا چاہتے ہیں جس نے اتنے جرائم کیے ہیں۔
#WATCH हरियाणा: अंबाला छावनी विधानसभा सीट से भाजपा उम्मीदवार अनिल विज ने कहा, “ये(कांग्रेस) धड़ों का समूह है और हर धड़े ने अपने-अपने आदमी खड़े किए हैं… हमारे मुकाबले में कोई भी आए। मैंने यहां तक कहा था कि चाहे भूपेंद्र सिंह हुड्डा आकर चुनाव लड़ लें या राहुल गांधी आकर लड़ लें।… pic.twitter.com/uSMkJovtMk
— ANI_HindiNews (@AHindinews) September 13, 2024
امبالہ میں سہ رخی مقابلہ
آپ کو بتاتے چلیں کہ ہریانہ اسمبلی انتخابات میں کانگریس نے امبالہ کینٹ سے بی جے پی امیدوار انل وج کے خلاف پرمل پاری کو اپنا امیدوار بنایا ہے۔ یہاں سے عام آدمی پارٹی نے راجویندر کور کو ٹکٹ دیا ہے۔
بھارت ایکسپریس–
