بہار میں نتیش کابینہ کے لئے جے ڈی یو-بی جے پی میں اتفاق ہوگیا ہے۔ (فائل فوٹو)
وزیراعظم نریندر مودی نے بہار کے وزیراعلیٰ نتیش کمار کو دسویں بار وزیراعلیٰ کے عہدے کا حلف لینے پر مبارکباد دی۔ پی ایم مودی نے نتیش کمار کی تعریف کرتے ہوئے کہا کہ وہ ایک باصلاحیت اور تجربہ کار منتظم ہیں، اور ریاست میں بہتر حکمرانی کا ان کا شاندار ریکارڈ رہا ہے۔ اس کے علاوہ انہوں نے سمراٹ چودھری اور وجے سنہا کو ڈپٹی وزیراعلیٰ کا حلف لینے پر بھی مبارکباد دی۔ پی ایم مودی نے سوشل میڈیا پر ایک کے بعد ایک کئی پوسٹس شیئر کیں۔پی ایم مودی نے تقریب کی تصاویر شیئر کرتے ہوئے سوشل میڈیا پلیٹ فارم ایکس پر لکھا:’’نتیش کمار کو بہار کے وزیراعلیٰ کے عہدے کا حلف لینے پر بہت بہت مبارکباد۔ وہ ایک باصلاحیت اور تجربہ کار ایڈمنسٹریٹر ہیں۔ ریاست میں بہتر حکمرانی کا ان کا شاندار ٹریک ریکارڈ رہا ہے۔ نئے دورِ حکومت کے لیے میری طرف سے انہیں دلی نیک خواہشات۔‘‘
श्री नीतीश कुमार जी को बिहार के मुख्यमंत्री पद की शपथ लेने पर बहुत-बहुत बधाई। वे एक कुशल और अनुभवी प्रशासक हैं। राज्य में सुशासन का उनका शानदार ट्रैक रिकॉर्ड रहा है। नए कार्यकाल के लिए उन्हें मेरी हार्दिक शुभकामनाएं!@NitishKumar pic.twitter.com/1QDPfJzAmX
— Narendra Modi (@narendramodi) November 20, 2025
انہوں نے دوسری پوسٹ میں لکھا:’’سمراٹ چودھری اور وجے سنہا کو بہار کے نائب وزیراعلیٰ بننے پر مبارکباد۔ زمینی سطح پر دونوں لیڈروں کے پاس عوامی خدمت کا طویل تجربہ ہے۔ انہیں بھی میری جانب سے بہت نیک خواہشات۔‘‘
श्री सम्राट चौधरी जी और श्री विजय सिन्हा जी को बिहार के उप मुख्यमंत्री बनने पर ढेरों बधाई। जमीनी स्तर पर दोनों नेताओं के पास जनसेवा का लंबा अनुभव है। उन्हें भी मेरी बहुत-बहुत शुभकामनाएं!@samrat4bjp @VijayKrSinhaBih pic.twitter.com/tdjSBUT5xe
— Narendra Modi (@narendramodi) November 20, 2025
پی ایم مودی نے ایک اور پوسٹ میں لکھا: ’’بہار حکومت میں وزراء کے طور پر حلف لینے والے تمام ساتھیوں کو میری دل سے مبارکباد۔ یہ ایک شاندار ٹیم ہے جو باصلاحیت اور وقف رہنماؤں پر مشتمل ہے، جو بہار کو نئی بلندیوں تک لے جائے گی۔ ان سب کے لیے میری نیک خواہشات۔‘‘
बिहार सरकार में मंत्रियों के रूप में शपथ लेने वाले सभी साथियों को मेरी हार्दिक बधाई। समर्पित नेताओं की यह एक ऐसी शानदार टीम है, जो बिहार को नई ऊंचाइयों पर ले जाएगी। उन सभी को मेरी ढेरों शुभकामनाएं! pic.twitter.com/yhSPd2Sgw3
— Narendra Modi (@narendramodi) November 20, 2025
نتیش کمار نے جمعرات کو دسویں بار بہار کے وزیراعلیٰ کے طور پر حلف لیا۔ پٹنہ کے گاندھی میدان میں منعقدہ تقریب میں گورنر عارف محمد خان نے انہیں عہدے اور رازداری کا حلف دلایا۔ اس پروگرام میں وزیراعظم نریندر مودی، مرکزی وزیر داخلہ امت شاہ کے علاوہ بی جے پی اور این ڈی اے کی حکومت والی ریاستوں کے وزرائے اعلیٰ بھی شریک ہوئے۔ اس کے علاوہ، حلف لینے والے وزراء میں وجے کمار چودھری، وجیندر کمار یادو، شروَن کمار، منگل پانڈے، دلیپ جیسوال، اشوک چودھری، لیشی سنگھ، مدن سہنی، نتن نبین، رام کرپال یادو، سنتوش کمار سمن، سنیل کمار، محمد زماں خان، سنجے سنگھ ٹائیگر، ارون شنکر پرساد، سرندر مہتا، نرائن پرساد، رما نشاد، لکھندر کمار روشن، شریسی سنگھ، پرمود کمار، سنجے کمار، سنجے کمار سنگھ اور دیپک پرکاش شامل تھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
