نئی دہلی : اسرائیل کے وزیر اعظم بنجمن نیتن یاہو نے بھارتی پائلٹ کیپٹن اسمت مچھّار سے فون پر بات کی اور مشکل حالات میں ان کی بہادری کی بھرپور تعریف کی۔ طیارے کو خطرناک صورتحال میں سنبھالنے اور مسافروں کی جان بچانے پر نیتن یاہو نے انہیں بھارت، اسرائیل اور پوری دنیا کا ہیرو قرار دیا۔ انہوں نے کیپٹن سمیت مچھّار اور وزیر اعظم نریندر مودی کو اسرائیل کے آئندہ یوم آزادی کی تقریب میں شرکت کی خصوصی دعوت بھی دی۔نیتن یاہو نے گفتگو کے دوران کہا کہ وہ چاہتے ہیں کہ کیپٹن اسمت مچھّار اور وزیر اعظم مودی اسرائیل کے یوم آزادی کے موقع پر منعقد ہونے والی تقریب میں جشن کی مشعل روشن کریں۔ انہوں نے کیپٹن سمیت مچھّار کی جلد اور مکمل صحت یابی کے لیے بھی نیک خواہشات کا اظہار کیا۔
مشکل گھڑی میں نہیں ہارا حوصلہ
یہ پورا معاملہ فلائی دبئی کی اس پرواز سے متعلق ہے جو دبئی سے تل ابیب جا رہی تھی۔ 30 ستمبر کو فلائٹ FZ1073 کے کاک پٹ میں اس وقت اچانک صورتحال سنگین ہوگئی، جب عمان کے کو پائلٹ نے کیپٹن اسمت مچھّار پر حملہ کردیا۔کیپٹن اسمت مچھّار کے مطابق پرواز معمول کے مطابق جاری تھی۔ کو پائلٹ نے نماز پڑھنے کی بات کہی، جس کے بعد کیپٹن نے احتراماً اپنی توجہ سامنے رکھی۔ اسی دوران ان پر اچانک پیچھے سے حملہ کردیا گیا۔ انہوں نے بتایا کہ ابتدا میں انہیں لگا کہ شاید طیارے میں کوئی سنگین تکنیکی خرابی پیدا ہوگئی ہے، لیکن مسلسل حملوں کے بعد انہیں اندازہ ہوا کہ کاک پٹ میں موجود دوسرا شخص ہی ان پر حملہ کر رہا ہے۔
حملے کے بعد تیزی سے نیچے جانے لگا طیارہ
#WATCH | “I want to have Captain Smit and Prime Minister Modi that are great friends; I really would like them to bear a celebratory flame. It’s the highest honor that we give on our Independence Day. It’s usually reserved for Israeli citizens, but I think here in this case, all the citizens of Israel will embrace you. So we hope to see you very soon in Israel… I look forward to seeing you here again, but under the circumstances, I think this will be a memorable and historic visit,” says Israeli Prime Minister Benjamin Netanyahu to Flydubai Captain Smit Machchhar.
(Source: Prime Minister of Israel/X)
— ANI (@ANI) October 3, 2026
حملے کے دوران طیارے کا توازن بگڑ گیا اور وہ تیزی سے نیچے جانے لگا۔ کیپٹن اسمت مچھّار نے بتایا کہ کچھ ہی دیر میں طیارہ تقریباً 16,000 فٹ نیچے آ گیا تھا۔ صورتحال اتنی سنگین ہوگئی کہ ہائی جیکنگ سے متعلق ڈسٹریس سگنل بھی بھیجنا پڑا۔اس دوران کیپٹن اسمت مچھّارخود بھی شدید زخمی ہوچکے تھے۔ ان کی نظر دھندلا گئی تھی اورانہیں ٹھیک سے دکھائی نہیں دے رہا تھا۔ اس کے باوجود انہوں نے طیارے کا کنٹرول سنبھالنے کی کوشش جاری رکھی۔ کیپٹن نے بتایا کہ اس وقت ان کی پوری توجہ صرف طیارے کو قابو میں رکھنے اور اس میں سوار لوگوں کو محفوظ رکھنے پر تھی۔ انہوں نے حملہ آور کو روکنے کی بھی کوشش کی، لیکن مسلسل چوٹ لگنے کی وجہ سے صورتحال ان کے لیے انتہائی مشکل ہوگئی تھی۔
ہنگامی لینڈنگ کرکے مسافروں کی جان بچائی
انتہائی سنگین صورتحال کے باوجود کیپٹن اسمت مچھّار نے ہمت نہیں ہاری۔ انہوں نے طیارے کو قابو میں کیا اور بالآخر اس کی ہنگامی لینڈنگ کرانے میں کامیاب رہے۔ طیارے میں تقریباً 180 افراد سوار تھے اور اس پورے واقعے کے باوجود تمام مسافروں کی جان بچ گئی۔اسی وجہ سے بھارت سے لے کر اسرائیل تک ان کی بہادری کی ہو رہی ہے۔ پائلٹ کی حیثیت سے اپنی ذمہ داری نبھاتے ہوئے انہوں نے جس طرح انتہائی مشکل حالات میں طیارے کو سنبھالا، اسے غیر معمولی حوصلے اور پیشہ ورانہ ذمہ داری کی مثال قرار دیا جا رہا ہے۔
بھارت ایکسپریس ارو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
