نئی دہلی: نیٹ پی جی-2025 امتحان کا انعقاد پورے ملک میں مختلف مراکزپر مقررہ ایک ہی شفٹ میں کیا جائے گا۔ دوشفٹ میں امتحان منعقد کرانے کو چیلنج دینے والی عرضی پر سماعت کے دوران آج بروزجمعہ (30 مئی، 2025) کو سپریم کورٹ نے امتحان ایک ہی شفٹ میں منعقد کرانے کی ہدایت دی ہے۔ امتحان کا انعقاد 15 جون کو سی بی ٹی موڈ میں کیا جائے گا۔ پہلے امتحان دو شفٹ میں منعقد کرنے کا شیڈول جاری کیا گیا تھا۔
سپریم کورٹ نے جمعہ کو نیشنل بورڈ آف ایگزامنیشین کو حکم دیا کہ وہ نیٹ پی جی 2025 کے امتحان کا انعقاد دو شفٹ میں نہ کریں۔ بلکہ ایک شفٹ میں یقینی بنائیں۔ عدالت نے این بی ای کو حکم دیا ہے کہ وہ شفافیت کو یقینی بناتے ہوئے امتحان کو ایک ہی شفٹ میں منعقد کرنے کا انتظام کرے۔ عدالت نے کہا کہ 15 جون کو ہونے والے امتحان کے لئے ضروری انتظام کرنے کے لئے ابھی بھی وقت باقی ہے۔ عدالت نے عرضی پرسماعت کرتے ہوئے کہا کہ ادارے کے پاس اب بھی مراکزکی شناخت کے لیے کافی وقت ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
