ریلائنس انڈسٹریز کی سالانہ جنرل میٹنگ (AGM) کے دوران کمپنی کے چیئرمین مکیش امبانی نے اعلان کیا ہے کہ ’’جیو‘‘ اپنی ابتدائی عوامی پیشکش (IPO) مالی سال 2027 میں مارکیٹ میں لائے گی، جس کے لیے تمام تر تیاریاں جاری ہیں۔ امبانی کے مطابق کمپنی 2026 کی پہلی ششماہی تک کاغذی کارروائی مکمل کرنے کی کوشش میں ہے اور جیسے ہی متعلقہ منظوری مل جائے گی، آئی پی او پیش کر دیا جائے گا۔ مکیش امبانی نے کہا کہ جیو کی جانب سے آئی پی او کا اجراء نہ صرف ایک مالیاتی قدم ہوگا بلکہ یہ عالمی سطح پر جیو کی قدر اور صلاحیت کو بھی ظاہر کرے گا۔ اس سے جیو کی حیثیت ایک ایسی کمپنی کے طور پر مضبوط ہوگی جو عالمی معیار کے مطابق ویلیو تخلیق کرنے کی اہلیت رکھتی ہے۔
At the Reliance Annual General Meeting, Mukesh Ambani, Chairman and Managing Director, Reliance Industries, says, “Today, it is my proud privilege to announce that Jio is making all arrangements to file for its IPO. We are aiming to list Jio by the first half of 2026, subject to… pic.twitter.com/tZ6UDjdHAf
— ANI (@ANI) August 29, 2025
انھوں نے مزید کہا کہ جیو کے صارفین کی تعداد اب 500 ملین (50 کروڑ) سے تجاوز کر چکی ہے، جو کہ کمپنی کے لیے ایک سنگ میل کی حیثیت رکھتا ہے۔ جیو کا مقصد ہر بھارتی کو نہ صرف موبائل، بلکہ ہوم براڈبینڈ، جیو اسمارٹ ہوم، جیو ٹی وی پلس، جیو ٹی وی او ایس اور جدید خودکار ڈیجیٹل سہولیات سے جوڑنا ہے۔ مکیش امبانی نے کہا کہ جیو جلد ہی AI کے شعبے میں بھی بھارت کی قیادت کرے گا اور کمپنی کا نعرہ ہوگا ’’ہر جگہ، سب کے لیے اے آئی‘‘
At the Reliance Annual General Meeting, Mukesh Ambani, Chairman and Managing Director, Reliance Industries, says, “Five major achievements of Jio which were previously unimaginable are- Jio made voice calls free from anywhere to everywhere in India. Jio made it a habit for common… pic.twitter.com/s4ySAkhIYF
— ANI (@ANI) August 29, 2025
عالمی سطح پر بھی جیو اپنی موجودگی کو بڑھانے کی تیاری کر رہی ہے تاکہ بھارت میں تیار کی گئی ٹیکنالوجی کو دنیا بھر میں متعارف کروایا جا سکے۔ مالیاتی لحاظ سے بھی ریلائنس گروپ نے شاندار کارکردگی دکھائی ہے۔ مالی سال 2025 میں کمپنی کی مجموعی آمدنی 10.71 لاکھ کروڑ روپے (125.3 بلین ڈالر) رہی، جو کسی بھی بھارتی کمپنی کے لیے ایک نیا ریکارڈ ہے۔ EBITDA 1.83 لاکھ کروڑ روپے اور خالص منافع 81,309 کروڑ روپے رہا۔ کمپنی نے 2.83 لاکھ کروڑ روپے کی برآمدات کیں، جو بھارت کی کل تجارتی برآمدات کا 7.6 فیصد بنتی ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
