اڈیشہ کے وزیر اعلیٰ موہن چرن ماجھی ریاستی سیاست میں محنت، عوامی خدمت اور مضبوط قیادت کی علامت بن کر ابھرے ہیں۔ ان کی سالگرہ کے موقع پر وزیر اعظم نریندر مودی نے انہیں دلی مبارکباد پیش کی اور ان کی قیادت کے ساتھ ساتھ عوامی فلاح کے لیے کیے گئے کاموں کو سراہا۔وزیر اعظم نریندر مودی نے سوشل میڈیا پلیٹ فارم ایکس پر ایک پوسٹ کے ذریعے وزیر اعلیٰ موہن چرن ماجھی کو سالگرہ کی نیک تمنائیں دیں۔ انہوں نے لکھا کہ اڈیشہ کے محنتی وزیر اعلیٰ شری موہن چرن ماجھی جی کو سالگرہ کی دل کی گہرائیوں سے مبارکباد۔ وزیر اعظم نے اپنی پوسٹ میں کہا کہ موہن ماجھی نے اڈیشہ کی ترقی کو نئی رفتار دینے اور ریاست کے نوجوانوں کو بااختیار بنانے کے لیے قابلِ ستائش کام کیے ہیں۔
Birthday wishes to Odisha’s hardworking Chief Minister Shri Mohan Charan Majhi Ji. He has made outstanding efforts to enhance Odisha’s growth trajectory and empower the youth of the state. Praying for his long and healthy life in service of the people.@MohanMOdisha
— Narendra Modi (@narendramodi) January 6, 2026
وزیر اعظم مودی نے مزید کہا کہ وہ ان کی دراز عمری اور صحت مند زندگی کی پرارتھنا کرتے ہیں تاکہ وہ اسی طرح عوامی خدمت میں سرگرم رہیں اور ریاست کی ترقی کے لیے کام کرتے رہیں۔ وزیر اعظم کے پیغام کو ریاست میں قیادت کے لیے حوصلہ افزا قرار دیا جا رہا ہے۔ دوسری جانب مرکزی وزیر داخلہ امت شاہ نے بھی اپنے ایکس ہینڈل کے ذریعے وزیر اعلیٰ موہن ماجھی کو سالگرہ کی مبارکباد دی۔ امت شاہ نے لکھا کہ اڈیشہ کے وزیر اعلیٰ شری موہن چرن ماجھی جی کو سالگرہ کی دلی مبارکباد۔ انہوں نے کہا کہ وزیر اعظم مودی کے وژن کے مطابق موہن ماجھی ریاست میں عوامی خدمت اور بہتر طرز حکمرانی کو مسلسل آگے بڑھا رہے ہیں۔ امت شاہ نے مہاپربھو جگن ناتھ سے ان کی کامیاب اور باوقار زندگی کی دعا بھی کی۔
واضح رہے کہ وزیر اعلیٰ موہن چرن ماجھی کی ترجیحات میں نوجوانوں کے لیے ہنرمندی کی ترقی، روزگار کے مواقع پیدا کرنا اور خود کفالت سے جڑی اسکیموں کو فروغ دینا شامل ہے۔ ان کا ماننا ہے کہ اگر نوجوان مضبوط ہوں گے تو ریاست خود بخود ترقی کی راہ پر گامزن ہوگی۔ یہی سوچ ان کی پالیسیوں اور فیصلوں میں بھی نمایاں طور پر دکھائی دیتی ہے۔دیہی علاقوں، قبائلی خطوں اور پسماندہ طبقات تک ترقی کے فوائد پہنچانے کی ان کی کوششوں نے انہیں ایک حساس اور زمینی حقیقتوں سے جڑا ہوا رہنما ثابت کیا ہے۔ ان کی قیادت میں اڈیشہ میں ترقی اور اچھی حکمرانی کے عمل کو مزید تقویت ملنے کی امید ظاہر کی جا رہی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
