وزیر اعظم نریندر مودی۔
وزیر اعظم نریندر مودی نے رنگوں کے تہوار ہولی کے موقع پر ملک بھر کے عوام کو دلی مبارکباد پیش کرتے ہوئے نیک خواہشات کا اظہار کیا ہے۔ انہوں نے امید ظاہر کی کہ یہ تہوار ہر شہری کی زندگی میں خوشی، خوشحالی اور کامیابی کے رنگ بکھیر دے گا اور ملک میں باہمی محبت اور ہم آہنگی کو مزید مضبوط کرے گا۔ نئی دہلی سے جاری اپنے پیغام میں وزیر اعظم نے بدھ کے روز سوشل میڈیا پلیٹ فارم ’ایکس‘ پر لکھا کہ تمام اہل وطن کو ہولی کی مبارکباد۔ انہوں نے کہا کہ رنگ اور امنگ سے بھرپور یہ تہوار سب کے لیے خوشیوں کی بہار لے کر آئے۔ ان کا کہنا تھا کہ ہر فرد کی زندگی میں مسرت، خوشحالی اور کامیابی کے رنگوں کی برسات ہو، یہی ان کی دلی تمنا ہے۔
सभी देशवासियों को होली की अनंत शुभकामनाएं। रंग और उमंग से भरा यह त्योहार सबके लिए खुशियों की बहार लेकर आए। हर किसी के जीवन में सुख-समृद्धि और सफलता के रंगों की बौछार हो, यही कामना है।
— Narendra Modi (@narendramodi) March 4, 2026
وزیر اعظم نے ایک اور پوسٹ میں کہا کہ ہولی کا تہوار پورے ماحول میں نئی توانائی بھر دیتا ہے اور یہی اس جشن کی سب سے بڑی خصوصیت ہے۔ انہوں نے لکھا کہ چاروں جانب خوشیوں کے رنگ جس طرح بکھرے نظر آتے ہیں، وہ ہر کسی کو جوش و خروش اور مسرت سے سرشار کر دیتے ہیں۔ ان کے مطابق یہ تہوار نہ صرف رنگوں کا جشن ہے بلکہ دلوں کو قریب لانے اور سماجی رشتوں کو مضبوط کرنے کا بھی ذریعہ ہے۔
होली का त्योहार पूरे माहौल में नई ऊर्जा भर देता है। यही इस उत्सव की बड़ी विशेषता है। हर तरफ जिस प्रकार खुशियों के रंग बिखरे नजर आते हैं, वो हर किसी को उल्लास और आनंद से सराबोर कर जाता है।
उद्भिन्नस्तबकावतंससुभगाः प्रे खन्मरुन्नर्तिताः
पुष्पोद्गीर्णपरागपांशुललसत्पत्रप्रकाण्ड… pic.twitter.com/5EmaAH5mNV— Narendra Modi (@narendramodi) March 4, 2026
ہولی کے موقع پر وزیر اعظم نے ایک سنسکرت سبھاشتم بھی شیئر کیا، جس میں بہار کے دلکش مناظر اور فطرت کی رعنائیوں کا ذکر کیا گیا ہے۔ اس اشلوک میں بیان کیا گیا کہ جیسے ہی بہار کی خوشگوار ہوائیں چلتی ہیں تو کلیاں کھل اٹھتی ہیں اور فضا میں پھولوں کی مہک پھیل جاتی ہے۔ ہر سمت مدھر نغمے گونجتے ہیں جو زندگی میں نئی روح پھونک دیتے ہیں۔ اس پیغام کے ذریعے وزیر اعظم نے تہوار کے ثقافتی اور روحانی پہلو کو اجاگر کیا۔
सभी देशवासियों को मेरी ओर से होली की हार्दिक शुभकामनाएं।
रंगो का यह त्योहार लोगों के जीवन में प्रेम और आशा का संचार करता है तथा आपसी एकता व भाईचारे को मजबूत करता है। मेरी कामना है कि यह पर्व सबके जीवन में खुशियां लेकर आए और हम सब मिलकर एक विकसित राष्ट्र के निर्माण में योगदान…— President of India (@rashtrapatibhvn) March 4, 2026
اس سے قبل صدر جمہوریہ دروپدی مرمو نے بھی ملک کے عوام کو ہولی کی مبارکباد پیش کی۔ انہوں نے اپنے پیغام میں کہا کہ رنگوں کا یہ تہوار لوگوں کی زندگی میں محبت اور امید کا جذبہ پیدا کرتا ہے اور باہمی اتحاد و بھائی چارے کو مضبوط بناتا ہے۔ صدر جمہوریہ نے امید ظاہر کی کہ یہ تہوار سب کے لیے خوشیاں لائے اور ہم سب مل کر ایک ترقی یافتہ قوم کی تعمیر میں اپنا کردار ادا کریں۔
Happy Holi!
This beautiful festival celebrates the triumph of good over evil and the arrival of spring, symbolising renewal, hope, and the vibrant spirit of our civilization.
Deeply rooted in our rich traditions, Holi reflects brotherhood, mutual respect, and shared joy that… pic.twitter.com/V7b9qurgT6
— CP Radhakrishnan (@CPR_VP) March 4, 2026
وہیں نائب صدر جمہوریہ ہند سی پی رادھا کرشنن نے بھی ہولی کے موقع پر نیک تمناؤں کا اظہار کیا۔ انہوں نے کہا کہ یہ خوبصورت تہوار برائی پر اچھائی کی جیت اور موسم بہار کی آمد کی علامت ہے، جو نئی شروعات، امید اور جوش کی نمائندگی کرتا ہے۔ ان کا کہنا تھا کہ ہماری عظیم روایات سے جڑا یہ تہوار بھائی چارے، باہمی احترام اور مشترکہ خوشیوں کا مظہر ہے جو معاشرے کے تانے بانے کو مضبوط بناتا ہے۔ انہوں نے دعا کی کہ ہولی کے رنگ ہر دل کو خوشی اور نئی توانائی سے بھر دیں اور ملک کو مزید پرامن، ہم آہنگ اور ترقی یافتہ بنانے کی تحریک دیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
