مرکزی وزیر داخلہ امت شاہ نے شری شری ہری چند ٹھاکر کے 215ویں یومِ پیدائش کے موقع پر منعقدہ ‘متوا دھرم میلا 2026’ کے لیے متوا کمیونٹی کے بھائی بہنوں کو مبارکباد دی ۔ امت شاہ نے ٹھاکر جی کو ایک ‘دویہ آتما’ قرار دیتے ہوئے ان کے ذریعہ بیان کیے گئے اخلاقی زندگی کے اصولوں کو قوم کے لیے رہنمائی کا ذریعہ بتایا۔
ہری چند ٹھاکر کو خراجِ عقیدت پیش کرتے ہوئے امت شاہ نے کیاکہا؟
ہری چند ٹھاکر کو خراجِ عقیدت پیش کرتے ہوئے امت شاہ نے کہا کہ شری شری ہری چند ٹھاکر جی نے علم کی گہرائیوں میں اتر کر بھکتی، برابری اور اخلاقیات کے انمول موتی معاشرے کو دیے، جو آج بھی ہمارے زندگی کے ستون ہیں۔ انہوں نے یقین ظاہر کیا کہ مغربی بنگال کے نارتھ 24 پرگنا میں منعقد ہونے والا یہ میلا ان اصولوں کے لیے عوامی عزم کو اور مضبوط کرے گا۔
بنگال کے سماجی ماحول میں متوا کی اہمیت
امت شاہ نے متوا کمیونٹی کی روحانی طاقت کی تعریف کرتے ہوئے کہا کہ ٹھاکر جی کے خیالات آج بھی معاشرے میں برابری کی روشنی جلا رہے ہیں۔ وزیر داخلہ نے متوا کمیونٹی کی فخر بھری تاریخ اور معاشرتی اصلاح کی جانب ان کے کیے گئے انقلابی کاموں کو خراجِ تحسین پیش کیا۔
وزیر اعظم مودی نے بھی خراجِ عقیدت پیش کیا
وزیر اعظم مودی نے سوشل میڈیا پلیٹ فارم ‘ایکس’ پر لکھا کہ شری شری ہری چند ٹھاکر جی نے معاشرے میں وقار، برابری اور بھکتی کے لیے ایک مضبوط تحریک کو جنم دیا۔ انہوں نے نسلوں کو مذہب، سماجی ہم آہنگی اور اجتماعی فلاح کے راستے پر چلنے کی ترغیب دی۔ وزیراعظم نے زور دے کر کہا کہ متوا ثقافت کی زندہ روایات ہمارے ملک کے سماجی دھانچے کو اور مضبوط اور خوشحال بناتی ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
