دہلی شراب گھوٹالہ معاملے میں سابق نائب وزیر اعلی منیش سسودیا کو راؤز ایونیو کورٹ سے جھٹکا لگا ہے۔ عدالت نے ان کی درخواست ضمانت مسترد کر دی ہے۔ عدالت نے ای ڈی اور سی بی آئی دونوں معاملوں میں ضمانت مانگنے والی سسودیا کی درخواست پر اپنا فیصلہ سنایاہے۔ ان کی ضمانت کی درخواست دوسری بار مسترد کر دی گئی ہے۔
آپ کو بتا دیں کہ اس سے پہلے بھی نچلی عدالت، ہائی کورٹ اور سپریم کورٹ نے سسودیا کو ضمانت دینے سے انکار کر دیا تھا۔ ضمانت کی مخالفت کرتے ہوئے تفتیشی ایجنسی نے کہا تھا کہ سسودیا اس گھوٹالے کے ‘کنگ پن’ ہیں اس لیے انھیں ضمانت نہیں دی جانی چاہیے۔ تفتیشی ایجنسی نے دعویٰ کیا کہ اگر ان کو ضمانت مل جاتی ہے تو وہ شواہد کے ساتھ چھیڑ چھاڑ کرسکتے ہیں اور گواہوں کو متاثر کرسکتے ہیں۔
اب سسودیا نچلی عدالت کے اس فیصلے کے خلاف دہلی ہائی کورٹ جائیں گے۔ سسودیا کو اس سے قبل سی بی آئی نے 26 فروری 2023 کو دہلی ایکسائز پالیسی کیس میں گرفتار کیا تھا۔ اس کے بعد ای ڈی نے انہیں اسی معاملے میں 9 مارچ 2023 کو گرفتار کیا تھا۔ تب سے وہ عدالتی حراست میں جیل میں ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
