وزیر اعظم نریندر مودی کی زیر قیادت حکومت نے دیسی دفاعی صنعت کو فروغ دینے کی جانب ایک بڑا قدم اٹھاتے ہوئے منگل کو ہندوستان ایروناٹکس لمیٹڈ (HAL) سے 97 عدد لائٹ کمبیٹ ایئرکرافٹ (LCA) مارک 1A لڑاکا طیارے خریدنے کی منظوری دے دی ہے۔ ذرائع کے مطابق اس فیصلے کی حتمی منظوری ایک اعلیٰ سطحی اجلاس میں دی گئی، جس کے بعد HAL ان جدید طیاروں کی تیاری شروع کرے گا۔
یہ اس قسم کے لڑاکا طیاروں کا دوسرا آرڈر ہوگا، اس سے قبل حکومت پہلے ہی 83 LCA مارک 1A طیاروں کا آرڈر دے چکی ہے، جس پر تقریباً 48 ہزار کروڑ روپے کی لاگت آئی تھی۔ یہ منصوبہ بھارتی فضائیہ (IAF) کے پرانے MiG-21 طیاروں کی جگہ لینے کے لیے ترتیب دیا گیا ہے، جنہیں آئندہ چند ہفتوں میں مکمل طور پر ریٹائر کر دیا جائے گا۔ حکام کا کہنا ہے کہ یہ اقدام نہ صرف خود انحصاری یعنی ’آتم نربھر بھارت‘ کے وژن کو مضبوط کرے گا بلکہ ملک بھر میں دفاعی شعبے سے جڑی چھوٹی اور درمیانے درجے کی صنعتوں (SMEs) کو بھی بڑا فائدہ پہنچائے گا۔
وزیر اعظم نریندر مودی، جو دیسی دفاعی پیداوار کے بڑے حامی رہے ہیں، خود بھی LCA کے ٹرینر ورژن میں پرواز کر چکے ہیں اور وہ کسی بھی بھارتی وزیر اعظم کی جانب سے اس جنگی طیارے میں کی جانے والی پہلی پرواز تھی۔ نئے LCA مارک 1A طیارے پرانے LCA طیاروں کی نسبت کہیں زیادہ جدید ریڈار، ایویانکس اور دیگر ٹیکنالوجی سے لیس ہوں گے۔ ان میں 65 فیصد سے زائد دیسی پرزے استعمال کیے جائیں گے۔ یہ منصوبہ نہ صرف فضائیہ کی قوت میں اضافہ کرے گا بلکہ بھارت کے ایرو اسپیس سیکٹر میں خود کفالت کا علمبردار بھی ثابت ہو گا۔ مزید برآں HAL کو مستقبل میں 200 سے زائد LCA مارک 2 اور ایک بڑی تعداد میں پانچویں جنریشن کے ’ایڈوانسڈ میڈیم کومبیٹ ایئرکرافٹ‘ (AMCA) کی تیاری کے آرڈرز بھی متوقع ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
