گوا کے وزیر زراعت اور سابق وزیر اعلیٰ روی نائک کا آج انتقال ہو گیا۔ خاندانی ذرائع کے مطابق انہیں دل کا دورہ پڑا ،جس کے باعث ان کا انتقال 79 سال کی عمر میں ہوا۔روی نائک کا گھر گوا کی راجدھانی پنجی سے 30 کلومیٹر کے فاصلے پر واقع ہے۔ جب انہیں دل کا دورہ پڑا تو وہ گھر پر تھے۔ انہیں فوری طور پر پونڈاکے ایک پرائیویٹ اسپتال میں داخل کرایا گیا۔ ڈاکٹروں نے انہیں تقریباً ایک بجے مردہ قرار دیا۔
انتم سنسکار 3 بجے ہوگا
روی نائک کا خاندان سات افراد پر مشتمل ہے۔ وہ اپنی بیوی، دو بچوں، ایک بہو اور تین پوتوں کے ساتھ رہتا تھے۔ ان کے انتقال سے پورا خاندان غم میں ڈوب گیا ہے۔ ان کا انتم سنسکار آج سہ پہر 3 بجے ادا کیاجائے گا۔
روی نائک کی لاش پونڈا میں واقع ان کی رہائش گاہ پر لائی جائے گی۔ اس دوران ہزاروں لوگ انہیں خراج عقیدت پیش کریں گے۔ پی ایم مودی اور گوا کے وزیر اعلیٰ پرمود ساونت نے بھی ان کے انتقال پر تعزیت کا اظہار کیا ہے۔
پی ایم مودی نے کیا کہا؟
Saddened by the passing away of Shri Ravi Naik Ji, Minister in the Goa Government. He will be remembered as an experienced administrator and dedicated public servant who enriched Goa’s development trajectory. He was particularly passionate about empowering the downtrodden and…
— Narendra Modi (@narendramodi) October 15, 2025
پی ایم مودی نے انسٹاگرام پر ایک پوسٹ شیئر کرتے ہوئے لکھا، ” شری روی نائک جی کے انتقال سے غمزدہ، انہیں ایک تجربہ کار منتظم اور سرشار عوامی ملازم کے طور پر یاد رکھا جائے گا ،جنہوں نے گوا کی ترقی کی رفتار کو تقویت بخشی۔
پی ایم مودی نے مزید کہا”وہ خاص طور پر دلتوں اور پسماندہ لوگوں کو بااختیار بنانے کے لیے وقف تھے۔ دکھ کی اس گھڑی میں میری تعزیت ان کے خاندان اور حامیوں کے ساتھ ہے۔ اوم شانتی۔
گوا کے وزیر اعلیٰ نے بھی کیا غم کا اظہار
گوا کے وزیر اعلیٰ پرمود ساونت نے انسٹاگرام پر لکھا، “ہمارے سینئر لیڈر اور کابینہ کے وزیر روی نائک کے انتقال سے بہت دکھ ہوا ہے۔ وزیر اعلیٰ کے طور پر ان کی دہائیوں کی خدمات اور وزیر کی حیثیت سے ریاست کے لوگوں کے لیے ان کے کام بے مثال رہے ہیں ۔ غم کی اس گھڑی میں ان کے اہل خانہ، دوستوں اور حامیوں کے ساتھ میری دلی تعزیت ہے۔
واضح رہے کہ روی نائک پونڈا اسمبلی حلقہ سے سات بار ایم ایل اے رہ چکے ہیں۔ ان کا سیاسی سفر کافی دلچسپ تھا۔ وہ پہلی بار 1984 میں مہاراشٹر وادی گومانتک پارٹی (ایم جی پی) کے ٹکٹ پر پونڈا سے ایم ایل اے کے طور پر منتخب ہوئے تھے۔ اس کے بعد انہوں نے 1989 میں
مارکم اسمبلی حلقہ سے کامیابی حاصل کی۔ 1999، 2002، 2007 اور 2017 میں، روی نائک نے پونڈا حلقہ سے کانگریس کے ٹکٹ پر جیتا اور 2022 میں وہ بی جے پی کے امیدوار کے طور پر جیتے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
