نئی دہلی : آسام میں بدھ 11 نومبر کی صبح ایک بڑا ریل حادثہ پیش آیا۔ گوہاٹی کے قریب دیگارو ریلوے اسٹیشن پر کولکاتا سے سیرانگ جا رہی کولکاتا-سیرانگ ایکسپریس (ٹرین نمبر 13125) پٹری سے اتر گئی۔ حادثے میں ٹرین کے انجن سمیت 7 بوگیاں پٹری سے اتر گئیں۔ ابتدائی اطلاعات کے مطابق، کم از کم 7 مسافر زخمی ہوئے ہیں، جنہیں علاج کے لیے قریبی اسپتال میں داخل کرایا گیا ہے۔ راحت کی بات یہ ہے کہ فی الحال کسی مسافر کی موت کی اطلاع نہیں ہے۔
صبح 6:54 بجے پیش آیا حادثہ
موصولہ اطلاعات کے مطابق، یہ حادثہ بدھ کی صبح تقریباً 6:54 بجے دیگارو ریلوے اسٹیشن کے قریب پیش آیا۔ ٹرین کی بوگیاں پٹری سے اترتے ہی مسافروں میں افراتفری مچ گئی۔ حادثے کے فوراً بعد موقع پر راحت اور بچاؤ کا کام شروع کر دیا گیا اور زخمیوں کو اسپتال پہنچایا گیا۔ پٹری سے اترنے والی بوگیوں کی تعداد کے حوالے سے ابتدائی اطلاعات میں فرق سامنے آیا ہے۔ ابتدائی رپورٹ میں انجن سمیت 7 بوگیوں کے پٹری سے اترنے کی بات کہی گئی ہے، جبکہ ریلوے کی جانب سے 6 بوگیوں کے پٹری سے اترنے کی تصدیق کی گئی ہے۔
#WATCH | Assam: A locomotive and five coaches of the Kolkata-Sairang Express (Train No. 13125) derailed at Digaru Railway Station in Kamrup (Metro) district at around 6:54 am today.
According to Northeast Frontier Railway, all passengers are safe, and no injuries have been reported. Passengers are being transported to their destinations by an alternative train. Relief and rescue operations have been launched.
(Visuals from the spot)
— ANI (@ANI) November 11, 2026
ریلوے کے اعلیٰ افسران موقع پر پہنچے، راحت ٹرین روانہ
نارتھ ایسٹ فرنٹیئر ریلوے (این ایف آر) کے مطابق، حادثے کی اطلاع ملتے ہی ریلوے کے اعلیٰ افسران جائے حادثہ پر پہنچ گئے۔ راحت اور بچاؤ کا کام جاری ہے اور موقع پر راحت ٹرین بھی روانہ کی جا رہی ہے۔این ایف آر کے چیف پبلک ریلیشن آفیسر کپنجَل کشور شرما نے بتایا کہ حادثہ صبح 6:54 بجے پیش آیا۔ فی الحال کسی کی موت کی اطلاع نہیں ہے۔
کئی ٹرینیں متاثر، کچھ کے راستے تبدیل
اس حادثے کے باعث ریلوے ٹریفک بھی متاثر ہوا ہے۔ کئی ٹرینوں کے تاخیر سے چلنے اور بعض ٹرینوں کے راستوں میں تبدیلی کی اطلاعات سامنے آئی ہیں۔ ریلوے کی ٹیمیں پٹری کی مرمت اور ریل خدمات کو معمول پر لانے کی کوششوں میں مصروف ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
