قومی کھیل ایوارڈز کا اعلان کیا گیا ہے۔ اس میں منو بھاکر اور ڈی گوکیش کا نام بھی شامل ہے۔
Khel Ratna Award Winners 2025: نوجوانوں اورکھیلوں کی وزارت نے ان کھلاڑیوں کی فہرست جاری کی ہے، جنہیں کھیل رتن سے نوازا جائے گا۔ منو بھاکر، ڈی گوکیش کے علاوہ پروین کمارکوبھی میجردھیان چند کھیل رتن ایوارڈ سے نوازا جائے گا۔ پیرس اولمپکس 2024 میں ہاکی ٹیم کے لئے اپنی کپتانی میں کانسے کا تمغہ (برانزمیڈل) جیتنے والے ہرمن پریت سنگھ کوبھی کھیل رتن دیا جائے گا۔ منو بھاکرنے پیروس اولمپکس میں 10 میٹر ایئرپسٹل اور 25 میٹرایئر پسٹل میں برانزمیڈل جیتا تھا۔ وہ ایک ہی اولمپک میں دو میڈل (تمغہ) جیتنے والی پہلی ہندوستانی ہیں۔
ڈی گوکیش کوبھی ملے گا میڈل
چیس پلیئرڈی گوکیش کوبھی کھیل رتن ایوارڈ سے سرفرازکیا جائے گا۔ گوکیش نے گزشتہ ماہ 12 دسمبر کو شطرنج کی دنیا کا ورلڈ چمپئن بننے کا اعزاز حاصل کیا تھا۔ سنگا پور میں ہوئی ورلڈ چمپئن شپ میں گوکیش نے چین کے ڈنگ لیرین کو شکست دے کر خطاب جیتا تھا۔ وہ محض 18 سال کی عمر میں ورلڈ چمپئن بنے، جو کہ ایک ورلڈ ریکارڈ ہے۔
Ministry of Youth Affairs and Sports announces the Khel Ratna Award for Olympic double medalist Manu Bhaker, Chess World Champion Gukesh D, Hockey team Captain Harmanpreet Singh, and Paralympic Gold medallist Praveen Kumar. pic.twitter.com/VD54E0EtEk
— ANI (@ANI) January 2, 2025
ہرمن پریت سنگھ اور پروین کمارکو بھی کھیل رتن
ہاکی ٹیم کے کپتان ہرمن پریت سنگھ اور پیرا اولمپک میں گولڈ میڈل جیتنے والے پرین کمار کو بھی کھیل رتن ایوارڈ دیا جائے گا۔ ہرمن پریت سنگھ کی کپتانی میں ہندوستانی ٹیم نے مسلسل دوسری بار اولمپک میں برانز میڈل جیتا تھا۔ پروین کمار نے ہائی جمپ ٹی64 ایونٹ میں ملک کوگولڈ میڈل جتایا تھا۔ پروین کمار نے ایشین ریکارڈ توڑتے ہوئے یہ حصولیابی حاصل کی تھی۔ وزارت کھیل 32 ایتھلیٹس کو ارجن ایوارڈ سے سرفراز کرے گا، جن میں سے 17 پیرا ایتھلیٹس ہیں۔
جیوتی یرارجی (ایتھلیٹکس)، انورانی (ایتھلیٹکس)، نیتو(باکسنگ)، سویٹی بورا (باکسنگ)، ونتیکا اگروال (چیس)، سلیما ٹیٹے (ہاکی)، ، ابھیشیک (ہاکی)، سنجے (ہاکی)، جرمن پریت (ہاکی)، راکیش کمار-پیرا (آرچری)، پریتی پال (پیرا-ایتھلیٹکس)، جیونی دیپتی (پیرا-ایتھلیٹکس)، سچن سرجے راؤ کھلاری (پیرا-ایتھلیٹکس) دھرم بیر (پیرا-ایتھلیٹکس)، ایچ ہوکاتو سیما (پیرا-ایتھلیٹکس)، سمرن (پیرا-ایتھلیٹکس)، نودیپ (پیرا-ایتھلیٹکس)، نودیپ (پیرا-ایتھلیٹکس)، نتیش کمار (پیرا-بیڈمنٹن)، ٹی مروگیسن (پیرا-بیڈمنٹن)، نتیا شری سمنتی سیوان (پیرا-بیڈمنٹن)، منیشا رام داس (پیرا-بیڈمنٹن)، کپل پرمار (پیرا-جوڈو)، مونا اگروال (پیرا-شوٹنگ)، روبینہ فرانسس (پیرا-شوٹنگ)، سوپنل کسالے (شوٹنگ)، سربجوت سنگھ (شوٹنگ)، ابھے سنگھ (اسکواش)، ساجن پرکاش (سوئمنگ)، امن (کشتی) کو کھیل رتن ایوارڈ سے سرفراز کیا جائے گا۔
بھارت ایکسپریس۔
