کانگریس صدر ملکارجن کھرگے نے دعویٰ کیا ہےکہ وزیر اعظم نریندر مودی کو جموں و کشمیر میں ممکنہ دہشت گردانہ حملے کے بارے میں انٹیلی جنس رپورٹ دی گئی تھی۔ اس کے بعد ہی ان کا کشمیر کا دورہ منسوخ کر دیا گیا۔ جھارکھنڈ کے رانچی میں ایک ریلی سے خطاب کرتے ہوئے کھرگے نے دعویٰ کیا کہ 22 اپریل کو پہلگام میں دہشت گردانہ حملے سے تین دن پہلے وزیر اعظم مودی کو انٹیلی جنس رپورٹ بھیجی گئی تھی۔انھوں نے کہا کہ یہ انٹیلی جنس کی ناکامی ہے۔ حکومت نے اسے مان لیا ہے اور اب وہ اس میں بہتری لائیں گے۔ اگر حکومت کو اس کا علم تھا تو انہوں نے کچھ کیوں نہیں کیا۔ مجھے معلوم ہوا کہ حملے سے تین دن پہلے پی ایم مودی کو انٹیلی جنس رپورٹ بھیجی گئی تھی۔ اس کے بعد ہی ان کا کشمیر کا دورہ منسوخ کر دیا گیا۔ یہ میں نے بھی اخبار میں پڑھا ہے۔ آپ کو بتادیں کہ پہلگام میں 22 اپریل کو ہوئے دہشت گردانہ حملے میں 26 افراد ہلاک اور 17 زخمی ہوئے تھے۔ یہ حملہ پہلگام کی وادی بیسران میں کیا گیا، جس میں دہشت گردوں نے چن چن کر لوگوں کو نشانہ بنایا۔
देश की ख़ुफ़िया एजेंसियों ने आतंकी हमले की आशंका जताई थी।
इस सूचना के बाद ही PM मोदी ने भी अपना कश्मीर दौरा रद्द कर दिया था।
ऐसे में मेरा सवाल है👇
जब ख़ुफ़िया एजेंसियों ने आतंकी हमले की आशंका जताई थी, तो सरकार ने इस बारे में सभी को अलर्ट क्यों नहीं किया?
: कांग्रेस अध्यक्ष… pic.twitter.com/EEjFSG0YCY
— Congress (@INCIndia) May 6, 2025
پہلگام حملے کے بعد، وزیر اعظم نریندر مودی کی سربراہی میں کابینہ کمیٹی برائے سلامتی نے سندھ طاس معاہدے کو فوری طور سے معطل کر دیا۔ یہ پہلا موقع ہے جب ہندوستان نے اتنی بڑی اور سخت کارروائی کی ہے۔ بھارت اور پاکستان کے درمیان تین بڑی جنگیں ہو چکی ہیں لیکن یہ معاہدہ پہلے کبھی معطل نہیں ہوا۔کابینہ کمیٹی کے اجلاس میں کیے گئے فیصلوں کے حوالے سے وزارت خارجہ نے ایک بیان جاری کیا تھا جس میں کہا گیا تھا کہ 1960 کا سندھ طاس معاہدہ فوری طور پر معطل کر دیا گیا ہے۔ یہ پابندی اس وقت تک برقرار رہے گی جب تک پاکستان سرحد پار دہشت گردی کی حمایت بند نہیں کرتا۔اس کے بعد بھارتی حکومت نے بھارت میں پاکستان سے متعلق کئی یوٹیوب چینلز پر بھی پابندی لگا دی تھی۔ پاکستانی طیاروں کے لیے بھارتی فضائی حدود 23 مئی تک بند کردی گئی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
