نئی دہلی: پروفیسرمظہرآصف، شیخ الجامعہ، (وائس چانسلر) جامعہ ملیہ اسلامیہ کی رہنمائی وقیادت میں آج جامعہ ملیہ اسلامیہ کی صفائی اکائی اورشعبہ باغبانی کے اسٹاف کے ساتھ ایک خاص ملاقات ہوئی۔ مسجل (رجسٹرار)، جامعہ ملیہ اسلامیہ پروفیسر(ڈاکٹر) محمد مہتاب عالم رضوی نے تمام صفائی کرمچاریوں (ملازمین) اورمالیوں کودیوالی کی پرخلوص مبارک باد دی اورنیک خواہشات کا اظہارکیا۔ آپ کوبتادیں کہ یہی ملازمین کیمپس کوصاف ستھرا، ہرا بھرا اورخوب صورت رکھنے میں اہم تعاون دیتے ہیں۔
جامعہ کے ان ملازمین کورجسٹرارپروفیسر مہتاب عالم رضوی نے نے یونیورسٹی کے سنجیدہ و باوقارماحول کوبرقراررکھنے کے تئیں صفائی کرمچاریوں کے عہد اوران کی انتھک کوششوں کوسراہا۔ کرمچاریوں نے بھی مسجل جامعہ ملیہ اسلامیہ سے بات چیت کی اورانہیں اپنی آرا اورشکایات سے روشناس کرایا۔ انہوں نے ان کی شکایات کے بروقت ازالے کے ساتھ ساتھ انہیں ادارے کی جانب سے متواترتعاون اورمدد کا بھی یقین دلایا۔
جذبہ امتنان وسپاس کے طورپراسٹاف میں دیوالی کا تحفہ بھی تقسیم کیا گیا، جس سے پوری فضا مسکراہٹ، جوش اورتہوارکے رنگ پرنور ہوگئی۔ اس تقریب کے انعقاد سے جامعہ ملیہ اسلامیہ کا شمولیاتی کردارمنعکس ہوتا ہے، جہاں جامعہ برادری کے ہررکن کی اہمیت اورقدرہے اورجس کا بجاطورپرجشن منایا جاتا ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
