جھارکھنڈ میں سیاسی رسہ کشی کے درمیان عظیم اتحاد کے اراکین اسمبلی حیدرآباد کے لئے روانہ کردیئے گئے ہیں۔ رانچی کے برسا منڈا ایئرپورٹ پر دو چارٹرڈ فلائٹ کھڑی ہیں۔ اسی خصوصی طیارے سے جھارکھنڈ مکتی مورچہ (جے ایم ایم) اور کانگریس کے رکن اسمبلی حیدرآباد جائیں گے۔ بتایا جا رہا ہے کہ چمپئی سورین اور کانگریس قانون کانگریس لیجسلیچر پارٹی کے لیڈرعالمگیررانچی میں ہی رہیں گے۔ یہ دونوں حیدرآباد نہیں جائیں گے۔
اراکین اسمبلی سے بھری بس رانچی کے برسا منڈا ایئر پورٹ پہنچی۔ پہلے اراکین اسمبلی سے بھری بس سرکٹ ہاؤس سے نکل کرایئرپورٹ کے لئے روانہ ہوئی تھی۔ بتایا جا رہا ہے کہ 12 سیٹراورایک سیٹر33+ بس ہے۔ انہیں دو بسوں میں عظیم اتحاد کے سبھی سوارہیں۔ بتایا جا رہا ہے کہ حیدرآباد ایئرپورٹ پر بھی بسیں لگی ہوئی ہیں۔ اراکین اسمبلی کے ایئر پورٹ پہنچتے ہی کسی ہوٹل میں شفٹ کیا جائے گا۔
#WATCH | A bus carrying MLAs of JMM-led ruling alliance in Jharkhand reaches Ranchi Airport. pic.twitter.com/et6c7c2nua
— ANI (@ANI) February 1, 2024
کل 43 اراکین اسمبلی جا رہے ہیں حیدرآباد: کانگریس
سرکٹ ہاؤس سے ایئر پورٹ نکلتے وقت جھارکھنڈ کانگریس کے صدر راجیش کمار نے کہا کہ ہم ایئر پورٹ جا رہے ہیں۔ آپ جانتے ہیں کہ وہ کس طرح کے لوگ ہیں، وہ کبھی بھی کچھ بھی کرسکتے ہیں۔ کل 43 اراکین اسمبلی جا رہے ہیں۔ بتایا جارہا ہے کہ سبھی اراکین اسمبلی حیدرآباد کے بیگم پیٹ جائیں گے۔
#WATCH | Ranchi: Jharkhand Congress president Rajesh Thakur says, “We are going to the airport. You know what kind of people they are, they can do anything anytime. A total of 43 MLAs are going…” pic.twitter.com/stNK8RTkXy
— ANI (@ANI) February 1, 2024
کیا ہے سیاسی اعدادوشمار؟
واضح رہے کہ جھارکھنڈ اسمبلی میں اراکین کی کل تعداد 81 ہے۔ اس میں اکثریت کا اعدادوشماریہ ہے کہ جس بھی پارٹی کو 41 اراکین اسمبلی کی حمایت حاصل ہوگی، اس کی حکومت ہوگی۔ چمپئی سورین بدھ کو 43 اراکین اسمبلی کے ساتھ راج بھون گئے تھے، جبکہ ان کے پاس 47 اراکین اسمبلی کی حمایت ہے۔ ان 47 اراکین اسمبلی میں جے ایم ایم کے 29، کانگریس کے 17، آرجے ڈی کے 1 اور سی پی آئی (ایم ایل) کا ایک رکن اسمبلی شامل ہے۔ وہیں دوسری طرف این ڈی اے ہے۔ فی الحال اسے 32 اراکین اسمبلی کی حمایت حاصل ہے۔ ان میں بی جے پی کے 26، اے جے ایس یو کے تین، این سی پی (اجیت پوار) کے ایک اور دوآزاد اراکین اسمبلی شامل ہیں۔ ایسے میں اگربہار کی طرح ہی اگر جھارکھنڈ میں کھیلا ہوتا ہے تو این ڈی اے کو حکومت بنانے کے لئے 9 اراکین اسمبلی کی حمایت چاہئے۔
بھارت ایکسپریس۔
