جامعہ ملیہ اسلامیہ یونیورسٹی تیسرے مقام پر برقرار
تعلیم اور امور خارجہ کے وزیر مملکت راج کمار رنجن سنگھ نے آج (5 جون) صبح 11 بجے قومی ادارہ جاتی درجہ بندی فریم ورک (این آئی آر ایف) رینکنگ 2023 جاری کی۔ اس فہرست کے مطابق این ٹی آر ایف رینکنگ میں جامعہ ملیہ اسلامیہ یونیورسٹی تیسرے مقام پر برقرار ہے، جبکہ علی گڑھ مسلم یونیورسٹی 9واں رینک حاصل کرنے میں کامیاب رہی۔ وہیں وزارت تعلیم کی طرف سے جاری کردہ این ٹی آر ایف رینکنگ کے مطابق آئی آئی ٹی مدراس، آئی آئی ایس سی، آئی آئی ایم-احمد آباد، ایمس دہلی ہندوستان کے سرفہرست تعلیمی ادارے ہیں۔
وہیں گزشتہ برسوں کی طرح آئی آئی ٹی مدراس نے مسلسل پانچویں سال مجموعی زمرے کے تحت نمبر 1 کالج اور لگاتار آٹھویں سال بہترین انجینئرنگ انسٹی ٹیوٹ کے طور پر اپنی پوزیشن برقرار رکھی ہے۔
سرفہرست مینجمنٹ کالج آئی آئی ایم-احمد آباد ہے، جبکہ تین انجینئرنگ کالج ٹاپ 10 بی-اسکول زمرے کے تحت ہیں۔ بہترین یونیورسٹی کے زمرے کے تحت، آئی آئی ایس سی بنگلور یونیورسٹی رینکنگ میں سرفہرست ہے جس کے بعد جے این یو اور جامعہ ملیہ اسلامیہ کا نمبر آتا ہے۔ تین نجی یونیورسٹیوں نے بھی اس فہرست میں جگہ بنائی ہے۔
دہلی کے 3 ادارے ‘مجموعی’ زمرے کی ٹاپ 10 فہرست میں شامل
بتا دیں کہ اس بار، ‘مجموعی’ زمرہ میں دہلی کے تین ادارے ہیں، یعنی آئی آئی ٹی دہلی، ایمس دہلی اور جواہر لال نہرو یونیورسٹی (جے این یو)۔ وہیں آئی آئی ٹی دہلی کو تیسرا، ایمس دہلی کو چھٹا اور جے این یو کو دسویں نمبر پر رکھا گیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
