مدھیہ پردیش کے وزیر وجے شاہ کے متنازعہ بیان کا معاملہ ابھی حل نہیں ہوا ہے کہ اب ریاست کے نائب وزیر اعلیٰ جگدیش دیوڑا کے متنازعہ بیان نے سیاسی طوفان کھڑا کر دیا ہے۔ جبل پور میں سول ڈیفنس کے رضاکاروں کے ایک تربیتی پروگرام سے خطاب کرتے ہوئے دیوڑا نے کہاکہ پورا ملک، ملک کی فوج اور سپاہی وزیر اعظم نریندر مودی کے قدموں میں سر نِگوں ہیں۔دیوڑا نے جذباتی انداز میں کہاکہ من میں بہت غصہ تھا کہ وہاں جانے والے سیاحوں کو ان کا مذہب پوچھ کر چن چن کر قتل کر دیا گیا، خواتین کو ایک طرف کھڑا کر کے ان کے سامنے گولی مار دی گئی، بچوں کے سامنے گولی مار دی گئی، اس دن سے پورے ملک میں یہ تناؤ تھا کہ جب تک اس کا بدلہ نہیں لیا جاتا، جب تک ان لوگوں کو مارا نہیں جائے گا، تب تک ہمیں سکون نہیں ملے گا۔
सेना का अपमान करना BJP की फितरत है
देश माफ नहीं करेगा pic.twitter.com/YalGObom4o
— Congress (@INCIndia) May 16, 2025
ڈپٹی سی ایم نے مزید کہا کہ ہم کامیاب وزیر اعظم کا شکریہ ادا کرنا چاہتے ہیں، پورا ملک، ملک کی فوج، سپاہی ان کے قدموں پر سرجھکا رہے ہیں، انہوں نے جو جواب دیا ہے اس کی تعریف نہیں کی جا سکتی۔ریاست کے وزیر خزانہ دیوڑا کا یہ بیان آپریشن سندور کے حوالے سے تھا، جس کے تحت ہندوستانی فوج نے 7 مئی کو پہلگام دہشت گردانہ حملے کا جواب دیتے ہوئے پاکستان اور پی او کے میں دہشت گردوں کے ٹھکانوں پر حملہ کیا تھا۔ اس آپریشن میں 100 سے زائد دہشت گرد اور کئی پاکستانی فوجی مارے گئے۔
‘भारत की सेना और सैनिक प्रधानमंत्री मोदी के चरणों में नतमस्तक हैं।’
ये मध्य प्रदेश के उप मुख्यमंत्री जगदीश देवड़ा का कहना है। इसके अलावा, BJP के मंत्री विजय शाह ने जो घिनौनी बात कही है, उसे सुनकर पूरा देश स्तब्ध है।
सेना और सैनिक किसी के चरणों में नतमस्तक है- ऐसी बात इस देश का… pic.twitter.com/DCCIDR8TMI
— Congress (@INCIndia) May 16, 2025
دیوڑا نے اس کارروائی کے لیے وزیر اعظم کی تعریف کی، لیکن فوج کو ‘وزیر اعظم کے قدموں پر جھکنے’ کے طور پر بیان کرنے والے ان کے بیان نے تنازع کھڑا کر دیا۔ اب اپوزیشن نے اسے فوج کی توہین قرار دیتے ہوئے اس پر شدید تنقید شروع کردی ہے۔کانگریس نے اس بیان کو فوج کی توہین قرار دیا ہے۔ پارٹی کی جانب سے ایکس پر لکھا گیاکہ ملک کی فوج اور سپاہی وزیر اعظم مودی کے قدموں میں جھکتے ہیں۔یہ بات مدھیہ پردیش کی بی جے پی حکومت کے نائب وزیر اعلیٰ جگدیش دیوڑا نے کہی ہے۔ جگدیش دیوڑا کا یہ بیان بہت سستا اور شرمناک ہے۔ یہ فوج کی بہادری اور جرات کی توہین ہے۔ آج جب پورا ملک فوج کے سامنے جھک رہا ہے، اس وقت بی جے پی لیڈر ہماری بہادر فوج کے بارے میں اپنی گھٹیا سوچ کا اظہار کر رہے ہیں۔ بی جے پی اور جگدیش دیوڑا کو معافی مانگنی چاہیے۔ اور ان کو ان کے عہدے سے برطرف کیا جائے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
