نئی دہلی : وزیراعظم نریندر مودی نے جمعرات کو سوشل میڈیا پلیٹ فارم ’ایکس‘ پر ایک ترغیبی سنسکرت سُبھاشِت (اخلاقی و حکمت آموز شعر) شیئر کیا، جس میں سچائی، خدمت، علم اورعمل کی اہمیت کو اجاگر کیا گیا ہے۔وزیراعظم مودی نے اپنی پوسٹ میں سنسکرت شلوک شیئر کرتے ہوئے لکھا:
“सत्यानुसारिणी लक्ष्मीः कीर्तिस्त्यागानुसारिणी।
अभ्याससारिणी विद्या बुद्धिः कर्मानुसारिणी।।“
اس شلوک کا مفہوم بیان کرتے ہوئے پی ایم مودی نے کہا کہ دولت سچائی اور دیانت داری کا ساتھ دیتی ہے، شہرت اور عزت دوسروں کی بھلائی اور ایثار کے ذریعے حاصل ہوتی ہے، علم مسلسل مشق اور محنت سے ملتا ہے، جبکہ عقل و دانش عمل کے ذریعے نکھرتی اور ترقی کرتی ہے۔وزیراعظم مودی گزشتہ چند دنوں سے مسلسل سنسکرت کے حکمت آموز اشعار شیئر کر رہے ہیں۔ بدھ کو انہوں نے ایک اور سُبھاشِت پوسٹ کرتے ہوئے کہا تھا کہ محبت، احترام اور قبولیت انسان کو فخر اور اطمینان کا احساس دلاتی ہے۔ اس سے نہ صرف خود اعتمادی میں اضافہ ہوتا ہے بلکہ نئی توانائی اور جوش و جذبہ بھی پیدا ہوتا ہے۔
اس موقع پر انہوں نے یہ سنسکرت شلوک بھی شیئر کیا تھا:
“त्वत्सम्भावितमात्मानं बहु मन्यामहे वयम्।
प्रायः प्रत्ययमाधत्ते स्वगुणेषूत्तमादरः।“
جس کا مفہوم یہ ہے کہ جب کسی باوقار اور اعلیٰ شخصیت کی جانب سے عزت اور احترام ملتا ہے تو انسان اپنے آپ کو خوش نصیب اور قابلِ فخر محسوس کرتا ہے۔ ایسے احترام سے انسان کے اندر موجود صلاحیتوں پر یقین مزید مضبوط ہوتا ہے۔اس سے قبل 16 جون کو وزیراعظم مودی نے ایک اور سنسکرت شلوک کے ذریعے دانشمندی اور دور اندیشی کی اہمیت پر زور دیا تھا۔ انہوں نے کہا تھا کہ صبر، تدبر اور دور اندیشی کے ساتھ کیے گئے فیصلے ہی کامیابی اور خوشحالی کی راہیں ہموار کرتے ہیں۔انہوں نے جو شلوک شیئر کیا تھا، اس کا مفہوم یہ تھا کہ کسی بھی کام کو جلد بازی یا بغیر سوچے سمجھے انجام نہیں دینا چاہیے، کیونکہ غیر دانشمندانہ فیصلے بڑی مشکلات کا سبب بن سکتے ہیں۔ اس کے برعکس جو شخص غور و فکر اور حکمت کے ساتھ قدم اٹھاتا ہے، کامیابی اور خوشحالی خود اس کی طرف راغب ہوتی ہیں۔وزیراعظم مودی کی جانب سے مسلسل شیئر کیے جانے والے یہ سنسکرت سُبھاشِت نہ صرف بھارتی ثقافتی ورثے کی جھلک پیش کرتے ہیں بلکہ نوجوانوں اور عوام کو اخلاقی اقدار، مثبت سوچ اور عملی زندگی میں کامیابی کے اصولوں کی جانب بھی راغب کرتے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
