انڈین مسلم فار سول رائٹس کے مرکزی دفتر میں گزشتہ شب اسرائیل کے ذریعے ایران پر کیے گئے جارحانہ حملے کے تناظرمیں ایک نشست کا انعقاد کیاگیا۔ تنظیم کےصدر اور سابق رکن پارلیمنٹ محمد ادیب نےکہا کہ ’’اسرائیل کی جانب سے ایران کے دارالحکومت تہران سمیت مختلف شہری علاقوں کو نشانہ بنانے جانے اور فوجی تنصیبات پر کیے گئے اشتعال انگیز حملے کی ہم شدید مذمت کرتے ہیں۔‘‘
انھوں نے مزید کہا کہ ’’اسرائیل کے وزیر اعظم اپنے جنگی جنون میں پورے خطے کو غیر یقینی صورت حال کا شکار بنا دینا چاہتے ہیں، تاکہ اپنے جنگی عزائم کو وہ مزید آگے بڑھا سکیں۔ محض جنگی جنون میں اس طرح سے کسی ملک کی سالمیت اور اسکی خود مختاری کو چیلنج کیا جانا انتہائی سنگین اور دنیا کو تباہی کی طرف لے جانے والا قدم ہے۔‘‘
اسرائیل کی اس کارروائی کو کسی قیمت پر برداشت نہیں کیا جا سکتا: محمد ادیب
سابق رکن پارلیمنٹ محمد ادیب نے کہا کہ ’’اسرائیل کی اس جارحانہ کارروئی کو ہرگز برداشت نہیں کیا جا سکتا ہے۔ یہ عالمی قانون کی سراسر خلاف ورزی ہے۔ اسرائیل کی اس جارحانہ کارروائی نے ایران کو اپنی خود مختاری اور سالمیت کے دفاع کا پورا قانونی اختیار دے دیا ہے۔ اسرائیل کے وزیر اعظم بنجمن نیتن یاہو کو انٹر نیشنل کورٹ آف جسٹس نے پہلے ہی جنگی جرائم کا مرتکب قرار دیا ہے۔‘‘
انھوں نے مزید کہا کہ ’’ایسے میں حیرت ہے کہ امریکہ بار بار ایسے مجرم شخص کو بچانے کے لیے اقوام متحدہ کی سلامتی کونسل میں ویٹو پاور کا استعمال کرتے ہوئے خود بھی جرم کا مرتکب ہو رہا ہے۔ ہم عالمی برادی سےمطالبہ کرتے ہیں کہ وہ اسرائیل جیسے غیر زمہ دار ملک کو الگ تھلگ کرکے خطے میں کشیدگی کم کرانے کی کوشش کریں۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
