وزیر اعظم نریندر مودی۔
نئی دہلی میں نیشنل اسپیس ڈے 2025 کی تقریب سے ورچوئلی خطاب کرتے ہوئے وزیرِ اعظم نریندر مودی نے کہا کہ خلائی سائنس میں ہر روز نئے سنگِ میل عبور کرنا ہمارے سائنس دانوں کی شناخت بن چکی ہے۔ انھوں نے چندریان-3 مشن کی کامیابی کو یاد کرتے ہوئے کہا کہ بھارت جنوبی چاندی قطب پر پہنچنے والا پہلا ملک بن کر تاریخ میں امر ہو گیا ہے۔ اس دوران وزیرِ اعظم مودی نے گروپ کیپٹن شبھانشو شکلا کی بین الاقوامی خلائی اسٹیشن (ISS) پر ترنگا لہرانے کی تعریف کرتے ہوئے کہا کہ نوجوان بھارت کی ہمت اور خوابوں کی کوئی حد نہیں۔
انھوں نے مزید کہا کہ ’’ہم دنیا کے اُن چار ممالک میں شامل ہو چکے ہیں جن کے پاس خلا میں ڈاکنگ اور ان ڈاکنگ کی صلاحیت ہے۔‘‘ پی ایم مودی نے یہ بھی اعلان کیا کہ بھارت جلد اپنا اسپیس اسٹیشن بھی تعمیر کرے گا اور ’’گگن یان‘‘ مشن کے ذریعے خلا میں انسان بھیجنے کی تیاری آخری مرحلے میں ہے، جو 2027 کے آغاز میں متوقع ہے۔ انھوں نے کہا کہ بھارت سیمی کرائیوجینک انجن اور الیکٹرک پرپلسن جیسی جدید ٹیکنالوجیز میں تیزی سے ترقی کر رہا ہے۔ اسی کے ساتھ پی ایم مودی نے نوجوانوں کو دعوت دی کہ وہ ’’ایسٹروناٹ پول‘‘ کا حصہ بنیں تاکہ خلائی خوابوں کو حقیقت میں بدلا جا سکے۔
وزیرِ اعظم مودی نے خلائی سائنس کے فروغ میں بھارت کے قائدانہ کردار کا ذکر کرتے ہوئے بتایا کہ حالیہ انٹرنیشنل اولمپیاڈ آن آسٹرونومی اینڈ ایسٹرو فزکس میں 60 ممالک کے 300 نوجوانوں کی شرکت ہوئی، جہاں بھارتی طلبا نے میڈلز جیتے۔ پی ایم مودی نے کہا کہ ’’ہم اصلاحات، کارکردگی اور تبدیلی کے راستے پر ہیں۔‘‘ وزیرِ اعظم نے 23 اگست کو نیشنل اسپیس ڈے قرار دیتے ہوئے کہا کہ یہ دن نہ صرف چندریان کی کامیابی بلکہ بھارت کی خلائی قیادت کی علامت بن چکا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
