وزیر اعظم نریندر مودی نے کہا ہے کہ ہندوستان اور ماریشس صرف شراکت دار نہیں ہیں بلکہ ایک خاندان ہیں۔ یہ دو مختلف قومیں ہیں لیکن ہمارے خواب اور تقدیر ایک ہیں۔ وزیر اعظم مودی وارانسی میں ماریشس کے وزیر اعظم نوین چندر رام غلام جی کے ساتھ مشترکہ پریس کانفرنس سے خطاب کر رہے تھے۔ وزیر اعظم نریندر مودی نے کہا کہ مجھے مارچ میں ماریشس کے قومی دن کی تقریبات میں شرکت کا موقع ملا تھا۔ اس موقع پر ہم نے اپنے تعلقات کو ایک اعلی درجے کی اسٹریٹجک شراکت داری کی سطح پر پہنچایا۔ اب ہم نے اپنے دوطرفہ تعاون کے تمام پہلوؤں کا جامع جائزہ لیا ہے اور علاقائی اور عالمی مسائل پر بھی تبادلہ خیال کیا ہے۔
مشترکہ پریس کانفرنس میں وزیر اعظم مودی نے کہا کہ ’’ماریشس ہندوستان کی ’نیبر ہڈ فرسٹ‘ پالیسی اور ’وژن اوشین‘ کا ایک اہم ستون ہے۔ اس نے ہمیشہ ماریشس کی خودمختاری کو مکمل تسلیم کرنے کی حمایت کی ہے۔ اس میں ہندوستان مضبوطی سے ماریشس کے ساتھ کھڑا ہے۔‘‘ انھوں نے مزید کہا کہ ماریشس کی ترقی میں ایک قابل اعتماد اور بنیادی شراکت دار بننا ہندوستان کے لیے فخر کی بات ہے۔
ماریشس کے عوام کو دی مبارکباد
چاگوس معاہدے کے اختتام پر وزیر اعظم رام غلام اور ماریشس کے عوام کو مبارکباد دیتے ہوئے وزیر اعظم نریندر مودی نے کہا کہ یہ ماریشس کی خودمختاری کے لیے ایک تاریخی فتح ہے۔ انھوں نے یہ بھی کہا کہ ہم نے ماریشس کی ضروریات اور ترجیحات کو مدنظر رکھتے ہوئے خصوصی اقتصادی پیکج کا فیصلہ کیا ہے۔ اس سے بنیادی ڈھانچہ مضبوط ہوگا، روزگار کے نئے مواقع پیدا ہوں گے اور صحت کی سہولتیں مضبوط ہوں گی۔
اپنے خطاب میں پی ایم مودی نے کہا کہ ’’پچھلے سال UPI اور Rupay کارڈ ماریشس میں متعارف کرائے گئے تھے۔ اب ہم مقامی کرنسی میں تجارت کو فعال کرنے کی سمت کام کریں گے۔ وزیر اعظم نے یہ بھی بتایا کہ ہندوستان کے آئی آئی ٹی مدراس اور انڈین انسٹی ٹیوٹ آف پلانٹیشن مینجمنٹ نے ماریشس یونیورسٹی کے ساتھ معاہدہ کیا ہے۔ یہ معاہدے تحقیق، تعلیم اور اختراع میں باہمی شراکت داری کو ایک نئی سطح پر لے جائیں گے۔‘‘
پی ایم نریندر مودی نے مزید کہا کہ ’’آزاد، کھلا، محفوظ، مستحکم اور خوشحال بحر ہند ہماری مشترکہ ترجیح ہے۔ اس تناظر میں ہندوستان ماریشس کے اہم اقتصادی خطے کی سلامتی اور بحری صلاحیت کو مضبوط بنانے کے لیے پوری طرح پرعزم ہے۔ ہندوستان ہمیشہ بحر ہند کے علاقے میں پہلے جواب دہندہ اور سیکورٹی فراہم کنندہ کے طور پر کھڑا رہا ہے۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
